سرائیکی وسیب دے ضلع راجن پور اچ داجل دے نیڑھے مولا علی علیہ السلام دے 18 ویں پتر حضرت امیر حمزہ سلطان ابن علی دے مزار تے توجہ ݙٰیوݨ دی لوڑھ اے، پیپلزپارٹی سرائیکی وسیب دی کلچرل ونگ دے سیکریٹری اطلاعات راشد عزیز بھٹہ دا مطالبہ

اسلام آباد۔11اپریل  (اے پی پی) پیپلزپارٹی سرائیکی وسیب دی کلچرل ونگ دے سیکریٹری اطلاعات راشد عزیز بھٹہ کیتے جو سرائیکی وسیب دے ضلع راجن پور اچ  داجل دے نیڑھے مولا علی علیہ السلام دے 18 ویں پتر حضرت امیر حمزہ سلطان ابن علی دا مزار تے توجہ ݙتی ونڄے جیندی نگرانی محکمہ اوقاف دی ذمہ واری اے۔ انہاں آکھیا جو ایں مزار تے ملک دے اندروں تے باہرلے ملکیں توں زائرین آندن پر افسوس زائرین سانگے پیوݨ دے صاف پاݨی کیتے فلٹر پلانٹ موجود کائینی اتے زائرین دی  رہائش سانگے وی محکمہ اوقاف پنجاب کوئی کم نی کیتا۔  سرائیکی وسیب دے حقوق کیتے جدوجہد کرݨ آلے سرائیکی وسیب اچ پیپلزپارٹی دی کلچرل ونگ دے عہدیدار سئیں راشدعزیزبھٹہ آپدے  ساتھیاں دے کٹھےحضرت امیر حمزہ ابن علی ع دے مزار تے پجے تے زیارت کیتی ۔ مزار دے متولی مظاہر حسین سئیں نال وی  ملاقات کیتی۔ مزار دے متولی خادم دربار مظاہر حسین ڈسایا جو  مزار تے آوݨ آلے زائرین دیاں اوکھائیاں مکاوݨ سانگے حکومت پنجاب اقدامات کرے ۔انھاں دا آکھݨ ہا  داجل سڑک ترٹ بھج دا شکار اے ۔ اساݙا مطالبہ اے جو مزار دے نیڑھے  کمپلیکس ٻݨایا ونجے ۔مزار دے متولی مظاہر حسین راشد عزیز بھٹہ توں اپیل کیتی جو او مسئلہ تےاواز چاون اتے اعلی حکام دی توجہ وسیب دے ایں مزار پاسے ڈیواون۔ انہاں مطالبہ کیتا جو زائرین دی سہولت کیتے مزار تے فلٹریشن پلانٹ لاتا وںجے اتے زائرین دی رہائش کیتے وی مناسب بندوبست کیتا ونجے۔