حکومت پاکستان نے پہلی نیشنل ارٹیفیشل انٹیلی جنس (اے آئی) ai ، پالیسی دا ڈرافٹ تیار کریندے ہووے پہل مرحلے اچ سرکاری ملازمین سمیت مجموعی طور تے ١٠ لکھ بندیاں کوں مصنوعی ذھانت دی تربیت ڈیوݨ دا اعلان کر ڈیتا۔
وزارت انفارمیشن ٹیکنالوجی تے نیشنل انفارمیشن ٹیکنالوجی بورڈ ( NItB) دی طرفوں تیارہ کرد قومی مصنوعی ذھانت پالیسی دے ڈرافٹ کوں شائع کر ڈیتا گئیا جیندے اچ منصوبے دی مکمل تفصیل فراہم کیتی گئی ھِ ۔
قومی مصنوعی ذھانت منصوبے کوں طویل مدتی منصوبہ قرار ڈیتا گئیا ھِ جیندی ترتیب وار ملک دے تمام علاقیاں تے شعبہ جات اچ ودھایا ویسی تے ملک دی زراعت توں گھن تے تعلیم تے صحت دے شعبیاں اچ وی مصنوعی ذھانت دا استعمال کیتا ویسی۔
Draft National Artificial Intelligence (AI) Policy is uploaded on #MOITT Website.
Link: https://t.co/TGSsoXs39V#AIPolicyPK #AI #DigitalPakistan pic.twitter.com/MuU66O23CU
— Ministry of IT & Telecom (@MoitOfficial) May 18, 2023
پالیسی دے مطابق حکومت ترتیب وارنہ صرف طالب بلکہ استاد ، سرکاری ملازم ، نجی ملازمت کرݨ والے بندیاں ، کساناں ، صحت تے دیگر شعبہ جات توں وابستہ بندیاں کوں مصنوعی ذھانت دی تربیت فراہم کرݨ دے اقدامات چاسی۔ ڈرافٹ دے مطابق منصوبے دی تکمیل پاروں دارالحکومت اسلام آباد سمیت چاراں صوبیاں درالحکومت تے گلگت بلتستان و آزاد کشمیر اچ وی قومی مصنوعی ذھانت دے سینٹر بنڑائے ویسن۔
