اسلام آباد(سرائیکی نیوز) آصف علی زرداری نے آکھیا ھِ کہ حکومت دی زندگی پوری تھئی چکی ھِ انشاء اللہ تحریک چلیسوں، سابق صدر آصف علی زرداری نے احتساب عدالت ءچ آمد تے اخبار نویساں نال گالھ مہاڑ کریندے ہووے آکھیا کہ ھن احتساب چلے یا معیشت چلے ، موجودہ حکومت دی کوئی زندگی کینی، ھک سوال دے جواب ءچ صدر نے آکھیا کہ عید دے بعد احتجاجی تحریک چلائی ویسی ، ایتھاں اسلام آباد دی احتساب عدالت نے سابق صدر زرداری تے فریال تالپور دیخلاف جعلی بینک اکاونٹ کیس دی سماعت بغیر کارروائی دے ملتوی کر ݙیتی ، آصف زرداری تے انہاں دی ہمشیرہ فریال تالپور کیس دی سماعت کیتے احتساب عدالت پھجے تاہم احتساب عدالت نمبر ٢ دے جج ارشد ملک دی رخصت دی وجہہ توں سماعت نا تھئی سکی، جج ارشد ملک عمرے دی ادائیگی دی وجہہ توں رخصت تے ھن تمام ملزمان کوں ݙیوٹی جج محمد بشیر دے روبرو پیش کیتا گئیا ، ڈیوٹی جج نے ملزمان دی حاضری لا تے کیس دی سماعت بغیر کارروائی دے ١٤ جون تک ملتوی کر ݙیتی
