وزیر اعظم شہباز شریف دی زیر صدارت وفاقی حکومت اچ شامل تھیوݨ والی اتحادی جماعتاں نے سپریم کورٹ دے چیف جسٹس عمر عطا بندیال دیر زیر سربراھی تریھ رکنی بینچ تے عدم اعتماد دا اظہار کریندے ہووے ملک اچ ھک ھی ڈینھ انتخابات دے کرواݨ دا مطالبہ کیتا ھِ
حکومت اچ شامل اتحادی جماعتاں دا اھم اجلاس ویڈیو لنک دے نال وزیر اعظم شہباز شریف دی زیر صدارت منعقد تھئیا جیندے اچ سابق صدر آصف علی زرداری ، پاکستان ڈیموکریٹک موومنٹ دے سربراہ مولانا فضل الرحمن ، بلاول بھٹو زرداری ، مریم نواز شریف سمیت دیگر جماعتاں دے قائدین تے رھنماوواں نے شرکت کیتی۔
حکومت میں شامل جماعتوں کے اہم مشاورتی اجلاس میں اہم فیصلے
حکمران جماعتوں نے چیف جسٹس کی سربراہی میں سپریم کورٹ کا تین رکنی بینچ پر عدم اعتماد کا اظہار کر دیا
تین رکنی بینچ پر اعتماد نہیں ہے، حکمران جماعتوں کا اعلان pic.twitter.com/CSYleuDUtV
— PMLN (@pmln_org) April 1, 2023
اجلاس نے ملک دی مجموعی صورتحال تے تفصیلی غور یتا تے رہنماواں دے مستقبل دی حکمت عملی تے مشاورت کیتی ۔ اجلاس اچ مطالبہ کیتا گئیا کہ ملک بھر توں ھک ھی ڈینھ الیکشن تھیونڑیں چاھیدے ھن اے غیر جانبدارانہ ، شفاف تے آزادانہ انتخابات دے انعقاد دا بنیادی دستوری تقاضا ھِ جئیں توں انحراف ملک کوںتباہ کن سیاسی بحران اچ مبتلا کر ڈیسی ، ایں صورتحال نال ملک دے معاشی مفادات سے وی خود کش حملے دے مترادف ہوسی۔ اجلاس نے واضح کیتا کہ بدقسمتی نال ھک انتظامی معاملے کوں سیاسی و آئینی بحران بنڑاں ڈیتا گئیا ھِ لیکن لشکر تے جھتیاں توں ریاستی اداریاں تے حملے آور ھک جماعت دے دباو تے پورے ملک اچ مستل سیاسی و آئینی بحران پیدا کرݨ دی سازش کہیں صورت قبول نہ کیتی ویسی۔ ایں حوالے نال آکھیا کہ معاشی ، سیکیورٹی ، آئینی ، قانونی تے سیاسی امور کوں نظر انداز کرݨ ریاستی مفادات توں لا تعلقی وانگ ھِ خاص مقصد تے جماعت کوں ریلیف ڈیوݨ دی جلد بازی سیاسی ایجنڈا ڈکھائی ڈیندا ھِ اے آئین تے قانون تے الیکشن کمیشن دے اختیارات دے وی منافی ھِ
اعلامیے دے مطابق آئین دے آرٹیک ٢١٨ ، ٣ سمیت دیگر دستوری شقاں دے تحت انتخبات کرواوݨ الیکشن کمیشن دا اختیار ھِ سپریم کورٹ کوں آئین دے تحت آزاد تے خود مختار الیکشن کمیشن دے اختیار اچ مداخلت نی کرنی چاھیدی اے فیصلہ سپریم کورٹ دے چار معزز جج صاحبان از خود نمبر ١ ـ ٢٠٢٣ اچ ڈے چکے ھن ۔ سلسلے اچ مزید آکھا گئیا کہ اجلاس چیف جسٹس دی سبراھی اچ جسٹس اعجاز الاحسن تے جسٹس منیب اختر تے مشتمل تریھ رکنی بینچ تے عدم اعتماد کریندا ھِ تے تقاضا کریندا ھِ کہ از خود نوٹس نمبر ١، ٢٠٢٣ دے چار رکنی اکثریتی فیصلے کوں منیندے ہووے موجودہ عدالتی کورروائی ختم کیتی ونجے
انہاں دا آکھݨ ھا کہ اے افسوسناک امر اے ھِ کہ سپریم کورٹ دے چیف جسٹس اقلیت دے فیصلے کوں اکثریت دے فیصلے تے مسلط کرݨ چاھندے ھن اے طرز عمل ملک اچ ھک سنگین آئینی تے سیاسی بحران ھی نی بلکہ آئین تے مروجہ قانونی طریقہ کار توں مکرݨ دی واضح مثال ھِ جو ریاست دے اختیارات دی تقسیم دے بنیادی تصور دی وی کھلی خلاف ورزی ھِ اجلاس اچ ھک سوال چاتا گئیا کہ سپریم کورٹ دے سینئر ترین جج جسٹس قاضی فائز عیسی دی سربراھی اچ بینچ نے ١٨٤، ٣ دے تحت تمام مقدمات دی سماعت روکݨ دا حکم ڈیتا ھِ متصاد عدالتی فیصلیاں توں نقابل عمل تے پییدہ صورتحال پیدا تھئی چکی ھِ تے جسٹس قاضی فائز عیسی بینچ دے فیصلے دا احترام کرݨ وی سب تے لازم ھِ اتحادی جماعتاں دے اجلاس نے مطالبہ کیتا کی پاکستان بار کونس تے دیگر بار ایسوسی ایشنز دی طرفوں آرٹیکل ٢٠٩ دے تحت دائر کردہ ریفرنسز تے کارروائی کیتی ونجے۔
