توھین الیکشن کمیشن کیس، عمران خان ٢٣ مئی کوں ذاتی حیثیت اچ طلب
الیکشن کمیشن آف پاکستان نے پی ٹی آئی چیئرمین عمران خان کوں کمیشن تے ایندے سربراہ دی توھین توں متعلق کیس اچ ٢٣ مئی کوں ذاتی حیثیت اچ طلب کر گھیدا۔
ڈان اخبار اچ شائع رپورٹ دے مطابق سندھ توں الیکشن کمیشن دے رکن نثار درانی دی سربراھی اچ چار رکنی بینچ نے کیس دی سماعت کیتی توھین عدالت دی کارروائی دے دوران بلوچستان توں الیکشن کمیشن اف پاکستان دے رکن نے آکھیا کہ عمران خان کوں گزریل سماعت تے کمیشن دے سامنڑیں پیش تھیوݨ دا آخری موقع ڈیتا گئیا ھِ لیکن او ایندے بعد وی پیش نا تھئے انہاں یاد ڈیوایا کہ عمران خان کوں سمن جاری کیتا گئیا ھا ، تاں او توھین دی کارروائی اچ کمیشن دے سامنڑیں پیش نہ تھیوݨ تے پارٹی چیئرمین دے قابل ضمانت وارنٹ گرفتاری جاری کیوں نہ کروں۔
عمران خان تے پی ٹی آئی دے سینئر رہنماواں فواد چوھدری تے اسد عمر دیخلاف کارروائی دے دوران معاون وکیل نے الیکشن کمیشن دے رکن کوں ڈسایا کہ سابق وزیر اعظم کوں لاہور ھائی کورٹ اچ پیس تھیونڑاں ھا جیندے بعد ایں ڈینھ انہاں کوں تشدد کیس اچ ٩ مئی تک ضمانت ڈے ڈیتی ۔ اسد عمر دے وکیل انور منصور خان نے الیکشن کمیشن توں سندھ ھائی کورٹ اچ سماعت مکمل کرں دی استدعا کیتی انہاں دلیل ڈیتی کہ الیکشن کمیشن کرݨ دی استدعا کیتی ۔ انہاں دلیل ڈیتی کہ الیکشن کمیشن دے سامنڑیں چاتے گئے اعتراضات اہو ھن جو عدالت اچ زیر سماعت ھن۔
جئیں ویلے معاون وکیل آکھای کہ عمران خان دے وکیل فیصل چوہدری پیش تھیسن تے دلائل ڈیسن تاں خیبرپختونخوا توں الیکشن کمیشن دے رکن انہاں کوں آکھیا ک ہاو فیصل چوہدری نال رابطہ کرن تے پچھیں کہ او کیں ویلے آسن۔ سندھ الیکشن کمیشن دے رکن نثار درانی نے آکھیا کہ وکیل کوں گھٹ توں گھٹ اسد عمر دے اعتراضات تے دلائل ڈیونڑیں چاھیدے ھن کیونکہ ھائی کورٹ نے توھین عدالت دی کارروائی توں نہ روکا ھا
