نواز شریف دے بیان تے اپوزیشن دا رد عمل

اسلام آباد(سرائیکی نیوز) سابق وزیر اعظم تے پاکستان مسلم لیگ (ن) دے تاحیات قائد نواز شریف دی طرفوں ممبئی حملیاں توں متعلق بیان تے اپوزیشن جماعتاں نے کڑی تنقید دا نشانہ بنڑایا تے ایں بیان کوں پاکستان دے خلاف بیان کرار ݙیتا۔ پاکستان تحریک انصاف پی ٹی آئی دے سربراہ عمران خان نے نواز شریف دے بیان دا رد عمل ݙیندے ہووے آکھیا کہ نواز شریف دور جدید دا میر جعفر ھِ جیئیں نے ذاتی مفادات کیتے انگریزاں نال ہتھ ملا تے قوم کوں غلامی دی زنجیراں ءچ جکڑ ݙیتا، سماجی رابطے دی ویب سائٹ تے ٹویٹر تے اپنڑیں ھک بیان ءچ انہاں آکھیا کہ نواز شریف محض چوری دے ٣٠٠ ارب روپے جو انہاں اپنڑیں پتراں دی بیرون ملک کمپیناں ءچ لکا رکھے ھن بجچاون کیتے ریاست پاکستان دے خلاف مودی دی زبان بولیندے پئے ھن انہاں آکھیا کہ سابق وزیر اعظم نواز شریف دا اصل چہرہ اج پوری قوم دے سامنڑیں ھِ پی ٹی آئی چیئرمین دا آکھن ھا کہ اپنڑی سیاہ کاریاں بچاوݨ کیتے نواز شریف فوج قومی احتساب بیورو ( نیب ) تے سپریم کورٹ جئیں اداریاں کوں تباہ کرݨ تے وی بصد ھن بلکہ اے پاکستان دے مستقبل نال کھیڈݨ تے لہہ آئے ھن انہاں مطالبہ کیتا کہ نواز شریف قوم کوں دساون کہ اپنریں ٤ سالہ دور اقتدار دے دوران زبان کیوں نی کھولی تے کیوں کوئی کارروائی نی کیتی اج وی تاں تساڈا ھی ھک مہرہ وزیر اعظم ھِ سپریم کورٹ د باہر میڈیا نال گالھ مہاڑ کریندے ہوون بابر اعوان نے چیف جسٹس سابق وزیر اعظم دے بیان تے نوٹس گھنݨ دا مطالبہ کر ݙیتا انہاں آکھیا کہ نواز نے ممبئی حملیاں دا الزام پاکستان تے لا تے بھارت نوازی دا ثبوت ݙیتے اج او آئین دی تریھ دفاعت دی خلاف وزری کر تے جرم دے مرتکب تھئے ھن بابر اعوام دا آکھن ھا کہ نواز شریف نے تاں ممبئی حملے دا الزام پاکستان تے لا تے بھارت نوازی دی وی حد کر ݙیتی جبکہ کتنے بھارتی نواز شریف دی شوگر ملز ءچ کم کریندے ھن سبھ کوں معلوم ھِ پی ٹی آئی رھنما دا آکھن ھا کہ نواز شریف دے خلاف غداری دے مقدمات چلنے چاھیدے ھن انہاں دے کول تاں پاکستان دے ایٹمی راز وی موجود ھن ۔سینٹ ءچ اپوزیشن لیڈر تے پاکستان پیپلز پارٹی دی رہنما شیری مزاری ن نواز شریف دے بیان کوں مسترد کر ݙیتا۔