پاکستان اچ ھک ترمت دے مثبت ٹیسٹ دے ڈو ڈینھ بعد منکی پاکس دا ھک بئیا کیس رپورٹ تھئی گئیا ۔ اخباری رپورٹ دے مطابق متاثرہ مریض ھک ٥٠ سالہ مرد ھِ جو کویت توں اسلام آباد پھجا ھِ ھݨ تک سامنڑیں آوݨ والے مصدقہ کیساں دی تعداد ٥ تھئی گئی ھِ ہسپتال ذرائع دے مطابق مریض دی شناخت اسلام آباد ایئرپورٹ تے منکی پاکس توں متاثرہ مشتبہ بندے دے طور تے تھئی جیندے بعد ایکوں پاکستان انسٹی ٹیوٹ آف میڈیکل سائنس پمز پھجا ڈیتا گئیا۔
ترجمان ڈاکٹر حیدر عباس نے ڈسایا کہ مریض دا نمونہ پیر کوں گھن گھیدا ھا تے ایکوں ٹیسٹ پاروں نیشنل انسٹی ٹیوٹ آف ھیلتھ این آئی ایچ بھیج ڈیتا گئیا ھا جیندے نتائج اچ تصدیق تھئی کہ اھ ھک مثبت کیس ھا۔ انہاں ڈسایا کہ مریض دا تعلق فیصل آباد نال ھِ تے او ایں ویلے آئسولیشن وارڈ اچ ھِ ایندی حالت مستحکم ھِ تے بیماری دا ٹیسٹ منفی آوݨ تے ایکوں ڈسطار کر ڈیتا ویسی۔
