بنگلہ دیش اچ گزریل مہینے ڈینگی توں 300 توں ودھ اموات تھئن، عالمی ادارہ صحت

ڈھاکہ۔(اے پی پی) بنگلہ دیش اچ ایں ویلھے ڈینگی مرض ریکارڈ سطح تے کھنڈا پئے ایندی ھک وجہ آب وہوا بدلݨ پاروں اے مچھراں توں تھیوݨ آلیاں بیماریاں کھنڈیاں پئن ۔امریکی نشریاتی ادارے موجب عالمی ادارہ صحت دے سربراہ  ایڈہام گیبرئیسس ھک آن لائن نیوز کانفرنس اچ ݙسائے جو بنگلہ دیش اچ ڈینگی اڄوکے سال اپریل اچ کھنڈݨ شروع تھیا ہئی ہݨ تئیں دنیا دے ایں اٹھویں ساریں توں گنجان آباد ملک اچ ھک لکھ 35 ہزار توں ودھ کیس اتے 650 اموات ریکارڈ کیتیاں ڳئن جنہاں اچوں 300اموات گزریل مہینے تھئن ۔انہاں ݙسائے جو عالمی ادارہ صحت بنگلہ دیش اچ ماہرین متعین کرݙتن ، اتے ادارہ مرض دی نگرانی سخت کرݨ ، لیبارٹری دی صلاحیت ودھاوݨ تے متاثرہ کمیونٹی نال رابطے ودھاوݨ اچ مدد کریندا پئے ۔