سپریم کورٹ دے ١٤ اپریل دے حکم دے بعد اسٹیٹ بینک آف پاکستان ھک کشمکش اچ ڈیکھائی ڈیندے ۔ ڈان اخبار دی رپورٹ دے مطابق عدالت عظمی نے مرکزی بینک کوں ھدایت کیتی کہ او ٢ صوبیاں دے انتخبات کیتے فیڈرل کنسولیڈیٹڈ فنڈ ایف سی ایف توں پیر کوں کل تک ٢١ ارب روپے جاری کرے۔
ماہرین دا خیال ھِ کہ اے فنڈ اسٹیٹ بینک دے زیر انتظام کینی تے نا ھی اے ایکوں کنٹرول کریندا ھِ جیں نال عدالت عظمی نے جاری کرݨ دا حکم ڈیتا ھِ جبکہ قومی اسمبلی پہل ھی باضابطہ طو رتے ایندے اجرا دی مخالفت کر چکی ھِ اسٹیٹ بینک دے ھک سابق بینکر نے آکھیا کہ قومی اسمبلی دی منظوری دے بغیر وفاقی حکومت دے اکاونٹ توں رقم دے اجرا دی ھدایت غیر معمولی ھِ
اسٹیٹ بینک دے ھک سابق ڈپٹی گورنر نے ناں ظاہر نھ کرݨ دی شرط تے ڈسایا کہ اے ایویں ھِ جیویں کیں بینک اچ پیسے جمع کرواݨ والے دی رضامندی دے بغیر ایندے اکاونٹ توں ادائیگی کرݨ دا آکھا ونجے۔ ریٹائرڈ ڈپٹی گورنر دے مطابق مروجہ قانون دے تحت واحد ممکنہ رستہ اے ھِ کہ اسٹیٹ بینک اپنڑی ھی نقد رقم توں روپے عطیہ کر ڈیووے اے ھک پروویژن دے تحت کیتا ونج سکدا ھِ جو اسٹیٹ بینک وکں بینکنگ تے فنانس اچ تحقیق دے فروغ کیتے اپنڑیں وسائل استعمال کرݨ دی اجازت ڈیندا ھِ
وفاقی حکومت دے ھک علی ترین عہدے توں ریٹائر تھیوݨ والے بیورو کریٹ دا آکھݨ ھا کہ آئین دے آرٹیکل ١٩٠ دے تحت جو سپریم کورٹ دی ایکشن ان ایڈ توں متعلق ھِ عدالت پارلیمنٹ کوں ھدایات جاری نی کر سکدی۔ آئین دا آکھݨ ھِ کہ تمام ایگزیکٹیو تے جوڈیشل اتھارٹیاں کوں سپریم کورٹ دی معاونت دے نال کم کرنا چاھیدا ھِ ڈوجہے لفظاں اچ عدالت عظمی وفاقی کابینہ کوں ھدایت جاری کر سکدی ھِ جو کہ ایگزیکٹو دا حصہ ھِ لیکن مفننہ پاروں ھدایات جاری نی کر سکدی جو کہ پارلیمنٹ ھِ
حکومت دے مطابق کنسولیڈیٹڈ فنڈ توݨ رقم گڈھݨ پاروں پارلیمنٹ دے ایکٹ دی لوڑ ھِ وفاقی کابینہ نے پہل ی ٩ اپریل کوں فنانس ڈویژن دی طرفوں پیش تھیوݨ والے ھک بل دی منظوری ڈے ڈیتی ھِ جیندا عنوان چارجڈ سم فار جنرل الیکشن پروونشل اسمبلیز آف پنجاب اینڈ کے پی ایکٹ ٢٠٢٣ ھا بعد ازاں ایہو ب قومی اسممبلی اچ پیس کیتا گئیا جیندا ایں بل کوں مسترد کر ڈیتا۔
ریٹائرڈ بیورو کریٹ نے آئین دے مطابق ریاست دے تریھ ستوناں مقننہ ، ایگزیکٹو تے عدلیہ دا حوالہ ڈیندے وہوے آکھیا کہ طاقت دے راکز کوں کہیں دی خواھش تے ختم نی کیتا ونج سکدا، ھک لا فرم دے شراکت دار بیرسٹر صلاح الدین احمد نے ڈسایا کہ سپریم کورٹ دے حکم دے ایں حصے تے ھک سوالیہ نشان ھِ جیندے تحت حکومت کوں ٢١ ارب روپے فنڈ پاروں قومی اسمبلی توں منظوری گھنݨ دی لوڑ ھِ کوئی کیویں توقع کر سکدا ھِ کہ پارلیمنٹ توں ایندی گرانٹ دی منظوری ملسی ، جیں نے پہل ھی ایں توں انکار کر ڈیتا ھِ انہاں آکھیا کہ اگر حکومت رقم خرچ کرݨ دے بعد منظوری گھنݨ اچ ھک واری ول ناکام تھئی تاں کیا اے آئین دی خلاف ورزی نہ ہوسی؟
ایں حوالے نال اسٹیٹ بینک دے درجمان نال تبصرے پاروں رابطہ کیتا گئیا تاہم ایں رپورٹ دے شائع تھیوݨ تک ایں بارے کوئی باضابطہ گالھ نی تھئی سکدی۔
