افغانستان (سرائیکی نیوز۔ آن لائن) افغانستان دے مشرقی شہار جلال آباد ءچ تھیوݨ والے خود کش حملے دے نتیجے ءچ ٩ بندے ہلاک تے ١٢ زمی تھئی گئے افغان صوبہ ننگربار دے گورنر دے ترجمان عطاء اللہ خوغیانی دا آکھݨ ھا کہ پیدل چل تے آوݨ والے خود کش حملہ آور نے مقامی پولیس چیک پوسٹ پوائنٹ دے نیڑے خود کوں دھماکے نال اُڈا ݙیتا۔ انہاں آکھیا کہ خوش کش حملے ءچ ٤ سیکیورٹی اہلکاراں سمیت ٩ بندے ہلاک تے سیکیورٹی اہکاراں سمیت ١٢ افراد زخمی تھئے ، مرݨ تے زخمی تھیوݨ والیاں ءچ ٤ بال وی شامل ھن، حملے دی ذمہ داری کہیں دہشت گرد گروپ نے قبول نی کیتی ، تاہم جلال آباد دے نال علاقہ طالبان تے داعش نال منسلک افغان گروپ دے جنگجوواں دا گڑھ ھِ ، افغانستان ءچ ١٨ سالہ جنگ دے بعد طالبان دے افغان امن عمل کیتے امریکا دے خصوصی نمائندے زلمے خلیل زاد نال مزاکرات جاری ھن تاہم حتمی معاھدے کیتے فریقین دے درمیان وی کئی نکات تے اتفاق تھیوݨ باقی ھِ
