اعلیٰ تعلیمی اداریاں اچ انسانی وسائل دی بھرتی کیتے پے سکیل سسٹم دا جائزہ ڳھنݨ بارے خصوصی ٹاسک فورس ٻݨا ݙتی ڳی اے، پاکستان کوں تحقیق اتے اکیڈمی اچ اڳوں ودھݨ دے قابل ٻݨایا ویسی، پروفیسر احسن اقبال

اسلام آباد۔16مئی  (اے پی پی) وزارت منصوبہ بندی، ترقی تے خصوصی اقدامات  اعلیٰ تعلیمی اداریاں اچ انسانی وسائل (ایچ آر) دی بھرتی کیتے پے سکیل سسٹم دا جائزہ ڳھنݨ بارے خصوصی ٹاسک فورس ٻݨا ݙتے۔ ایں ٹاسک فورس دا مقصد ہک بہتر پے سکیل سسٹم ٻݨاوݨ اے جیڑھا تعلیمی اداریاں اچ اعلیٰ معیار دے ایچ آرکوں راغٻ کریسی اتے برقرار رکھیسی۔ ایندا باقاعدہ آغاز منگل کوں کر ݙتا ڳے۔ ایں موقع تے وفاقی وزیر منصوبہ بندی احسن اقبال آکھیا جو اعلیٰ تعلیم دے شعبے اچ اعلیٰ ٹیلنٹ دی بھرتی اتے اونکوں برقرار رکھݨ علمی معیشت کوں ودھاوݨ دا اہم عنصر اے۔ انہاں آکھیا جو اڄ دے اختراع دے دور اچ   تعلیم ٹیکنالوجی دی منتقلی اتے سماجی تے اقتصادی ترقی کوں اڳوں ودھاوݨ اچ اہم کردار ادا کریندی پی اے۔ انہاں آکھیا جو اعلیٰ تربیت یافتہ ایچ آر اختراعی ماحولیاتی نظام دا ہک اہم جزو ہن۔ وفاقی وزیر آکھیا جو خصوصی ٹاسک فورس دا قیام پاکستان اچ اعلیٰ تعلیم دے شعبے کوں درپیش چیلنجز نال نبڑݨ کیتے حکومت دے عزم دی نشاندہی کریندے۔  پے سکیل دے نویں نظام کوں نافذ کرݨ نال انہاں تفاوتاں کوں دور کیتا ویسی اتے یونیورسٹیاں اتے ایچ ای آئی کیتے ہک منصفانہ معاوضے دے نظام کوں فروغ ملسی۔  نواں پے سکیل منصفانہ، شفاف اتے مارکیٹ ریٹ دا عکاس ہوسی جیڑھا جو اعلیٰ کارکردگی ݙکھاوݨ آلیاں کوں کارکردگی تے مبنی مراعات اتے انعامات ݙتے ویسن۔