سابق وزیر اعظم تے چیئڑمین پاکستان تحریک انصاف عمران خان کوں القادر ٹرسٹ کیس اچ نیب دے حکم تے رینجرز دی طرفوں گرفتار کر تے چند گھنٹے بعد اسلام آباد ھائی کورٹ نے انہاں دی احاطہ عدالت توں گرفتاری کوں قانون دے مطابق قرار ڈے ڈیتا ھِ
عمران خان ٧ مقدمات اچ ضمانت پاروں اسلام آباد ھائی کورٹ پھجے ھن جیتھاں رینجر نے انہاں کوں پکڑ گھیدا جئیں ویلے عدالتی احاطے توں گرفتاری دا نوٹس گھیندے ہووے اسلام آباد کورٹ دے چیف جسٹس عامر فاروق نے ریمارکس ڈیتے ھن کہ اگر پی ٹی آئی سربراہ کوں غیر قانون طور تے گرفتار کیتا گئیا تاں انہاں کوں رھا کرنا پوسی۔
واضح رھاوے کہ گزریل سال وزیر داخلہ رانا ثنا نے عمران خان تے انہاں دی اھلیہ تے بحریہ ٹاؤن دے مالک ملک ریاض نال ساز باز کر تے بحریہ ٹاون دے بدلے القادر ٹرسٹ یونیورسٹی دی زمین گھنݨ دا الزام لایا ھا ۔ انہاں آکھا کہ بحریہ ٹاون جیندا پنجاھ ارب جبکہ اصل قیمت پنجھ توں ڈاھا گنا زیادہ ھِ تے اے زمین بحریہ ٹاؤں دے عطیہ کنندہ ھن تے ڈوجہے پاسے سابق خاتون اول بشری خان ھن۔ اے قیمتی اراضی القادر ٹرسٹ دے نال تے منتقل کیتی گئی جیکوں ڈو ھی ٹرسٹی ھن جئیں تے پہلی بشری خان ھن تے ڈوجہے سابق وزیر اعظم ھن۔
عمران خان اج ٩ مئی کوں ٧ مقدمات اچ ضمانت پاروں اسلام آباد ھائی کورٹ پھجے ھن جیتھوں رینجرز نے ڈوپہار تقریبان سوا ڈو وے انہاں کوں حراست اچ گھن گھیدا۔
