اسرائیل فلسطین جنگ، اقوام متحدہ دی جنرل اسمبلی دا ہنگامی اجلاس خمیس کوں تھیسی

اقوام متحدہ ۔25اکتوبر  (اے پی پی) اقوام متحدہ دی جنرل اسمبلی دا  اسرائیل فلسطین جنگ بارے ہنگامی اجلاس خمیس 26 اکتوبر کوں تھیسی۔ نمائندہ اے پی پی موجب اقوام متحدہ  دی جنرل اسمبلی دے صدر  ڈینس فرانسس اے اعلان رکن ملکاں دے ناں ہک خط اچ آکھے۔ انہاں آکھیا جو انہاں کوں 19 اکتوبر کوں اقوام متحدہ  اچ  اردن دے  سفیر محمود حمود اتے موریطانیہ دے سفیر سیدی محمد لغداف  10ویں ہنگامی خصوصی اجلاس کوں جلدی ولا شروع کرݨ دی درخواست کیتی۔ انہاں آکھیا جو انہاں کوں نکاراگوا، روس، شام دے نمائندیاں دے نال نال بنگلہ دیش، کمبوڈیا، انڈونیشیا، لاؤس، ملائیشیا، مالدیپ، مشرقی تیمور، ویتنام اتے برونائی دے نمائندیاں دا وی ایں بارے خط ملیے۔