اسلام آباد(سرائیکی نیوز) پاکستان تے آئی ایم ایف دے درمیان مذاکرات جاری ھن تے آئی ایم نے ٹیکس شرائط توں پچھی تے نا تھیوݨ دی ضد بدھ گھیدی ھِ ، آئی ایم ایف نے پاکستانی حکام توں بجٹ ءچ ٧٠٠ ارب روپے دے اضافی ٹیکس لاوݨ دا مطالبہ کیتا ھِ نجی ٹی وی دے مطابق آئی ایم ایف نے ایف بی آر توں ٧٠٠ ارب روپے دا ٹیکس پلان منگ گھیدا ھِ پاکستان دا پالیسی اقدام دے نال اضافہ ٹیکس لاوݨ دا پلان ھِ نویں اقدامات دے ذریعے ٹیکس دی آمدن ودھاوݨ دا پلان پیش کیتا گئیا ھِ آئی ایم ایف ٹیکسز توں متعلق شرائط نرم کرݨ تے تیار کینی تے عالمی مالیتی ادارہ ایف بی آر دا ٹارگٹ ٥٢٠٠ ارب روپے توں زائد مقرر کرݨ چاھندے، حکومت دا بجلی تے گیس مزید مہنگی کرݨ دی آئی ایم ایف دی شرط من گھیدی ھِ بجلی گیس دی مد ءچ ٣٤٠ ارب روپے تریھ سال ءچ صارفین دی جیباں توں کݙھے ویسن، ذرائع دے مطابق حکومت نے نیپرا تے اوگرا کوں بجلی تے گیس دی قیمتاں دے تعین کیتے خود مختیار بنڑوݨ تے رضامندی ثاہر کر ݙیتی ھِ ذرائع نے مزید ڈسایا کہ حکومت دا چھوٹے صارفین دے علاوہ سب کیتے سبسݙی ختم کرݨ دا فیصلہ کیتا ھِ صنعتی صارفین ءچ صرف ایکسپورٹ انڈسٹری کوں محدود سبسڈی ݙیتی ویسی۔
