کراچی تے کوئٹہ اچ کانگو وائرس نال ڈو بندے ھلاک

0
22
کراچی تے کوئٹہ اچ کانگو وائرس نال ڈو بندے ھلاک

اتوار کوں کراچی تے کوئٹہ اچ کانگو وائرس نال ڈو مریضاں دی موت دی اطلاع ملݨ دے بعد محکمہ صحت دے حکام نے الرٹ جاری کر ڈیتے۔

اخباری خبر دی رپورٹ دے مطابق صحت دے حکام دے منطابق کانگو وائرس دا پہلا شکار ھک ٢٠ سالہ حاملہ افغان مئی تھئی ، گل ناز کوں کچلاک توں وائرس دی علامات دے نال گھن آیا گئیا ھا تے کوئٹہ تے فاطمہ جناح چیسٹ ھسپتال اچ داخل کرا ڈیتا گئیا۔ انہاں دے منہ تے نک توں خون آندا پیا ھا ایندے خون دے نمانے لیبارٹری بھجوائے گئے جیندے اچ بیماری دی تصدیق تھئی

ہسپتال دے ڈاکٹر زبیر احمد نے اخبار کوں ڈسایا کہ او زندہ نی رہ سکدی تے اتوار دی سویر مر گئی۔ انہاں تصدیق کیتی کہ گزری ١٠ ڈینھ توں ایں وائرس نال اے تریجھی موت ھِ گزریل چار مہینیاں اچ کانگو وائرس نال ٤ بندے ھلاک تھئی چکے ھن انہاں تمام مریضان افغانستان دا سفر کیتا ھا ۔

کراچی اچ ھک بئی ھلاکت

محکمہ صحت سندھ نے وی کراچی اچ ٢٨ سالہ بندے دی ھلاکت دی تصدیق کیتی ھ ، مقتول محمد عادل لیاقت آباد اچ گوشت وچیندا ھا ۔ محکمہ صحت دے ھک عہدیدار نے ڈسایا کہ شروعاتی طور تے مریض کوں ٣٠ اپریل کوں سر اچ درد تھیا تے بخار ھا ، ڈو ڈینھ بعد شدت اختیار کریندا گئیا ایں پاروں ھک نجی ھسپتال گھن گئے جیتھاں او ھک ڈینھ تک زیر علاج رھیا متاثرہ مریض کوں تواتر دے نال نک توں خون وھاندا ھا ۔ محکمہ صحت دے عہدیدار مزید آکھیا کہ مریض دا ابتدائی طور تے ڈینگی تے ملیریا پاروں ٹیسٹ کیتا گئیا لیکن ایندے نتائج منفی آئے

چار مئی کوں مریض دی حلت ویگڑی تے ایکوں نارتھ ناظم آباد دے ضیاء الدین ہسپتال اچ داخل کروایا گئیا جیتھاں او ھک ڈینھ بعد انتقال کر گئے۔

LEAVE A REPLY

Please enter your comment!
Please enter your name here