یروشلم۔7مئی (اے پی پی) “ٹیمپل ماؤنٹ آلے پاسے واپسی” گروپ دے 5 شدت پسنداں مسجد اقصیٰ اچ ہک ٻھیݙ (قربانی کیتے) گھن آوݨ دی کوشش کیتی جڈانجو فلسطینیاں ناکام ٻݨا ݙتا۔ مرکز اطلاعات فسلطین موجب یروشلم دے نینگراں دے ہک گروپ ایں گروپ کوں اوں ویلھے ݙٹھا جݙاں او باب الحدید توں لنگھݨ دی کوشش کریندے پے ہن۔ قابض پولیس ایں ڄاہ تے پڄ تے آباد کاراں کوں روک ڳھدا اتے قربانی دا زناور قبضے اچ ڳھن ڳھدا۔ یہودی انتہا پسند مذہبی رسومات دے تحت قربانی دے زناور مسجد اقصیٰ اچ ڳھن آوݨ دے اشتعال انگیز کوششاں پہلے وی کیتن۔ واضح رہوے جو بیت المقدس دے گروہاں ایں توں پہلے مسجد اقصیٰ دے خلاف اپݨٰ جارحیت دی تجدید کیتے معمولی موقعتیاں توں فائدہ چاوݨ دی کوشش اچ پچھلے سال عید فسح دے موقع تے وی یہودی آباد کار مسجد اقصیٰ اچ قربانی دے زناور ڳھن آوݨ دی ناکام کوشش کر چکین۔
