چیئرمین پی ٹی آئی عمران خان جمعہ کوں لاہور توں لانگ مارچ شروع کرݨ دا اعلان کر ݙتے

0
34
imran khan

اسلام آباد (اے پی پی)پاکستان تحریک انصاف دے چیئرمین اتے سابق وزیراعظم عمران خان آکھیے جو پی ٹی آئی دا لانگ مارچ جمعہ کوں لبرٹی چوک لاہور توں ݙینھ 11 وڄے توں بعد شروع تھیسی جیندی میں آپ اڳواݨی کریساں، اے لانگ مارچ اصل اچ حقیقی آزادی مارچ اے، اساں جی ٹی روڈ توں اسلام آباد پڄسوں۔ لاہور اچ ہنگامی پریس کانفرنس کریندے انہاں آکھیا جو لانگ مارچ بالکل پر امن وہسی، ملک اچ وݙی مشکل اچ اے، اساں ایں اوکھے ویلھے لانگ مارچ کریندے پئے ہیں

ساݙا کہیں نال جھیڑا اے نا بھیڑی، نا ہی اساں کوئی قانون تروڑݨ ویندے پئے ہیں، جیکر کہیں لانگ مارچ اچ فساد کھنݙاوݨ دی کوشش کیتی تاں ایندے سنڳین نتائج نکلسن، اساں پورے ڄق کوں ݙکھیسوں جو قوم اج کتھاں کھڑی اے، اے لوک وی لانگ مارچ کر چکین ٻھل انہاں کوں کہیں نئیں روکیا، ساکوں وی نا روکݨ جو اے ساݙا جمہوری حق اے۔ انہاں آکھیا جو اڄ ملکی معیشت ٻددی ویندی اے، ساکوں کیسز اچ پھسایا ویندا پئے، سیاستدان محفوظ ہیں، صحافی نا ہی عوام، اے مارچ کوئی سیاست نئیں پاکستان دے مستقبل اتے چوراں توں آزادی دی جنگ اے اتے اے پاکستان دی آزادی کیتے فیصلہ کن مرحلہ اے۔

LEAVE A REPLY

Please enter your comment!
Please enter your name here