صدر مملکت آزاد جموں و کشمیر اچ سیاحت سانڳے کشمیر ایئر دی کمرشل ہیلی کاپٹر فلائٹ سروس دا افتتاح کرݙتے
اسلام آباد (اے پی پی):صدر مملکت ڈاکٹر عارف علوی آزاد جموں و کشمیر اچ سیاحت سانڳے کشمیر ایئر دی کمرشل ہیلی کاپٹر فلائٹ سروس دا افتتاح کرݙتے۔ باغ اچ کشمیر ایئر دی لانچنگ تقریب تھئی جیندے اچ آزاد کشمیر دے وزیراعظم سردار تنویر الیاس وی موجود ہن۔ کشمیر ایئر سیاحوا کیتے آزاد جموں و کشمیر اتے پاکستان دے شمالی علاقیاں لو کمرشل ہیلی کاپٹر پروازاں شروع کریندی پئی اے۔
صدر ایں ہیلی کاپٹر فلائٹ سروس دا افتتاح کیتے اتے باغ اچ نویں ٻݨݨ آلے پرائیویٹ سکول سودھا ہیلتھ کیئر انفارمیشن ٹیکنالوجی کمپنی دے فلیگ شپ کیمپ دا وی دورہ کیتے۔ صدر مملکت کوں عباس پور اچ ہسپتال بارے بریفنگ ݙتی ڳئی۔ تقریب نال کطاب اچ صدر مملکت آکھیا جو آزاد جموں و کشمیر قدرتی حسن اتے سیاحت دے مواقع نال مالا مال اے
نجی شعبہ سیاحت دے ودھارے کیتے کردار ادا کرے، آزاد جموں و کشمیر حکومت پائیدار و ماحول دوست سیاحت سانڳے نجی شعبے دی سرمایہ کاری اچ سہولتاں ݙیوݨ کیتے سیاحت دوست پالیسیاں ٻݨںاوے۔ انہاں آکھیا جو سیاحت دا شعبہ ڄڳ دی معیشتاں کوں تکڑا کرݨ اچ اہم کردار ادا کریندا پئے جیڑھا زرمبادلہ کماوݨ، روزگار دے مواقع سودھا ترقی کوں تیکھا کرݨ اتے معاشی مقابلہ بازی دا رحجان ودھیندے، سیاحت سانڳے سٹیک ہولڈرز، کاروبار، وسائل اتے سیاحتی سرگرمیاں اچ توازن دی لوڑھ اے۔
انہاں آکھیا جو ترقی کیتے نینگراں اتے تریمتیں دے ودھ انسانی وسائل تون فیدہ چاوݨ کیتے متعلقہ مہارتاں اتے تربیت ودھاوݨی چاہیدی اے جیڑھے ساݙے سڄاکے مستقبل دی ضمانت ٻݨ سڳدن۔
