وزیر مملکت خارجہ امور دی اقوام متحدہ ولوں افغانستان بارے خصوصی اجلاس اچ شرکت

اسلام آباد۔1مئی (اے پی پی) وزیر مملکت برائے خارجہ  امور  حنا ربانی کھر  قطر دے دارالحکومت دوحہ اچ اقوام متحدہ ولوں افغانستان بارے  خصوصی اجلاس اچ شریک تھیندی پن، ٻے ملکاں دے رہنماواں نال ملاقاتاں وی کریسن۔ دفتر خارجہ توں جاری بیان موجب اقوام متحدہ دے سیکرٹری جنرل انتونیو گوتریش دی سربراہی اچ تھیوݨ آلے ایں اجلاس اچ علاقائی اتے عالمی ملک افغانستان دی اڄوکی صورتحال کوں تعمیری ڳالھ مہاڑ دے تناظر اچ بحث کریسن۔  وزیر مملکت برائے خارجہ امور افغانستان بارے پاکستان دا نقطہ نظر پیش کریسن۔