لاہور۔24فروری (اے پی پی):وزیر اعلی پنجاب محسن نقوی قربان لائنز اچ پنجاب سیف سٹیز اتھارٹی دے ہیڈ آفس دا دورہ کیتے۔سیف سٹیز اتھارٹی دے افسراں تے عملے وزیراعلی دا استقبال کیتا۔ ھک سال اچ ترائے وݙے شہراں اچ سیف سٹی پراجیکٹس شروع کیتے ونجݨ ،18شہراں اچ سیف سٹی پراجیکٹس تے کم دے آغاز اتے14شہراں اچ سیف سٹی پراجیکٹس دی منظوری دے تناظر اچ سیف سٹی اتھارٹی اچ خصوصی تقریب رکھی ڳئی ۔ وزیر اعلی محسن نقوی ھک سال اچ سیف سٹی پراجیکٹس تے غیر معمولی رفتار نال کم دے حوالے نال خصوصی تقریب توں خطاب کریندے ہوئیں آکھیے جو سیف سٹیز سسٹم کوں راولپنڈی، فیصل آباد تے گوجرانوالہ اچ آپریشنل کرݙتا ڳئے ۔پنجاب دے 18 مزید شہراں اچ سمارٹ سیف سٹی پراجیکٹس تے کم شروع کرݙتا ڳئے ۔ باقی 14 شہراں اچ وی سیف سٹی نیٹ ورک تشکیل ݙیوݨ دی اصولی منظوری ݙتی ڳئی ۔