اسلام آباد (اے پی پی)صدر مملکت ڈاکٹر عارف علوی اتے انہاں دی زال ثمینہ عارف علوی مقتول صحافی ارشد شریف دے گھر ڳین اتے اتھاں مقتول دے ٹٻر کوں پرچاوݨی ݙتی۔ صدر مملکت ڈاکٹر عارف علوی صحافی ارشد شریف دے وارثاں نال افسوس کیتے اتے مرحوم کیتے دعا کیتی۔
صدر آکھیا جو آزاد صحافت کیتے مرحوم ارشد شریف دی خدمات ناں ٻھلݨ آلیاں ہین، ارشد شریف تحقیق و حقائق نال بلاخوف اپݨی رائے ݙیندے ہن۔ صدر مملکت مرحوم دی صحافتی خدمات کوں خراج تحسین پیش کریندے ورثا نال ہمدردی کیتی اتے دعا کیتی جو اللہ اللہ تعالیٰ مرحوم کوں جنت اچ ڄاہ ݙیوے۔
