اسلام آباد۔1اپریل (اے پی پی) وفاقی وزیر آبی وسائل سید خورشید احمد شاہ آکھیا جو سیاسی بحران پچھوں رہ ڳے، آئینی بحران ملک کوں ولھیٹ اچ ڳھن ڳھدے۔ چھݨ چھݨ کوں جاری اپݨے ہک بیان اچ وفاقی وزیر آکھیا جو ملک دے آئینی تے سیاسی بحران دے حل کیتے نہ کوئی ادارہ بچیے اتے نہ کوئی شخصیت۔ سید خورشید شاہ آکھیا جو اساں بند گلی اچ پڄ ڳیوں۔ بحران توں نکلݨ دا اگر کوئی رستہ ٻݨ سڳدے تاں او فل کورٹ اے۔ فل کورٹ دے ذریعے عدلیہ آئینی بحران توں نکلݨ دی راہ ڳولے۔ انہاں آکھیا جو آئینی تے سیاسی معاملات اگر بند گلی اچ ڳے تاں ڳھڑی دی ٹک ٹک شروع تھی ویندی اے۔ وفاقی وزیر ٻیا آکھیا جو تجربے نال ݙسیندے پے جو ویلھا ٻہوں ڳھٹ اے اگر بحران دا حل نہ کڈھیا ڳیا تاں کڄھ وی تھی سڳدے۔ سیاسی بحران پچھوں رہ ڳے، آئینی بحران ملک کوں ولھیٹ اچ ڳھن ڳھدے۔