پاکستان تحریک انصاف (پی ٹی آئی) چیئرمین عمران خان نے آکھیا ھِ کہ زمان پارک اچ انہاں دی رھائش گاہ تے کارروائی کرݨ والے پنجاب پولیس بشمول انہاں دے تمام افسراں دیخلاف قانونی کارروائی کریسوں، جنہاں حملے اچ حصہ گھیدا۔
توشہ خانہ کیس دی سماعت اچ شرکت پاروں فیڈرل جوڈیشل کمپلیکش پھجݨ دے بعد تحریک انصاف دے کارکناں تے کیپیٹل پولیس دے درمیان گھنٹیاں تک طویل جھڑپاں دے ڈینھ اج لاہور اچ زمان پارک توں اپنڑیں رھائش گاہ نال ویڈیو لنک دے نال خطاب کریندے ہووے پنجاب پولیس تے تنقید کریندے ہووے آکھیا کہ رھائش گاہ تے حملہ کرݨ والیاں دیخلاف قانونی کارروائی دا آغاز کیتا ویسی ۔ تحریک انصاف دے چیئرمین اکھیا کہ ھک مجسٹریٹ دے وارنٹ تے پولیس میکوں گرفتار کرݨ پاروں پھج گئی، ایں مجسٹریٹ نے رانا ثناء اللہ دیخلاف وارنٹ کھڈے ھن لیکن پولیس آکھیندی ھائی کہ او اساں کوں ملدا ھی کینی۔ خٰال رھاوے کے گزریل ڈینھ عمران خان وانگ ھی جج دے سامنڑیں پیش تھیوݨ کیتے اپنڑی زمان پارک دی رھائش گاہ توں نکلے تاں پولیس دی بھاری نفری نے انہاں دے گھر تے سرچ آپریشن شروع کر ڈیتا۔