تحریک پاکستان دی جدوجہد اچ تریمتاں دا کردار لائق تحسین اے ،سپیکر قومی اسمبلی راجہ پرویز اشرف

0
756
تحریک پاکستان دی جدوجہد اچ تریمتاں دا کردار لائق تحسین اے ،سپیکر قومی اسمبلی راجہ پرویز اشرف

اسلام آباد۔12اگست (اے پی پی):اسپیکر قومی اسمبلی راجہ پرویز اشرف آکھیے جو پاکستان دا یوم آزادی اساکوں وݙ وݙیریں دی ودھ ساری قربانیاں دی یاد ݙویندے ،تحریک پاکستان دی جدوجہد اچ محترمہ فاطمہ جناح اتے بیگم رعنا لیاقت علی خان، بے نظیر بھٹو سودھے ٻیاں تریمتاں دا کردار لائق تحسین اے ۔ جمعہ کوں قومی اسمبلی ہال اچ ڈائمنڈ جوبلی تقریبات دے حوالے نال منعقدہ تریمت ارکان پارلیمنٹ اتے ٻئے شعبہ زندگی توں تعلق رکھݨ آلیاں تریمتاں دے کنونشن دے موقع تے خطاب کریندے ہوئیں انہاں آکھیے جو میں اڄ “ڈائمنڈ جوبلی کنونشن آف ویمن پارلیمنٹیرینز” پروگرام دا حصہ بݨدے ہوئیں خوشی محسوس کریندا پیاں ۔ بلاشبہ پاکستان دا یوم آزادی، ساݙے وݙیں ولوں ݙتیاں ڳیاں قربانیاں تحریک آزادی کیتے کیتی ڳئی جدوجہد دی یاد ݙویندے ،اے ھک حقیقت اے جو ساݙی پاکستانی دھیریں تے بھیݨاں ، برصغیر دیاں تریمت رہنماواں دے نقش قدم تے چلدے ہوئیں پاکستان اچ تریمتاں دے حقوق دے ودھارے تے قومی معاملات اچ انہاں دی شرکت کوں ودھاوݨ کیتے قابل ذکر خدمات سرانجام ݙتن۔ویمنز پارلیمنٹری کوکس، پارلیمانی عمل اچ تریمتاں دی شمولیت کوں ودھاوݨ کیتے قابل تحسین اقدامات کریندی پئی اے ، اجتماعی کوششاں دے پیش نظر ویمنزز پارلیمنٹری کاکس صنفی رکاوٹاں کوں ختم کریندی پئی اے تے قانونی فریم ورک اچ اصطلاحات گھن آندی پئی اے ۔ راجہ پرویز اشرف آکھیے میں سمجھداں جو اڄ دیاں تریمتاں ، مرداں دے رلے چلدے ہوئیں معاشرتی تے معیشت ترقی اچ بھرپور کردار ادا کرسڳدن ، انہاں سیکرٹری ویمنزز پارلیمنٹری کاکس ممبر قومی اسمبلی محترمہ شاہدہ رحمانی صاحبہ کوں تریمت پارلیمانی ممبران کیتے ھک تکڑا تے بااختیار پلیٹ فارم ݙیوݨ تے مبارخ ݙتی ۔

LEAVE A REPLY

Please enter your comment!
Please enter your name here