صدرمملکت دا فاطمہ جناح انسٹیٹوٹ آف ڈینٹل سائنسز دا دورہ، ہسپتال اچ جاری تعمیراتی کماں دا جائزہ گھدا
لاہور۔12اگست (اے پی پی):صدر مملکت عارف علوی جمعہ دے فاطمہ جناح انسٹیٹیوٹ آف ڈینٹل سائنسز لاہوردا دورہ کیتے تے ہسپتال اچ جاری تعمیراتی کماں دا جائزہ ڳھدا۔ایں موقع تے وزیراعلی پنجاب چوہدری پرویز الہی وی انہاں دے رلے ہن ۔صوبائی وزیر صحت ڈاکٹر یاسمین راشد اتے ہسپتال دے پراجیکٹ ڈائریکٹر پروفیسر ڈاکٹر وحید صدر مملکت اتے وزیراعلی پنجاب دا والہانہ استقبال کیتا۔ڈاکٹر یاسمین راشد صدر مملکت عارف علوی اتے وزیر اعلی پنجاب چوہدری پرویز الہی کوں ہسپتال اچ جاری تعمیراتی کماں دے حوالے نال بریفنگ ݙتی ۔انہاں ݙسایا جو ایں پراجیکٹ کیتے 100کنال تے محیط ڈینٹل ہسپتال کیتے 2005 اچ زمین مل ڳھدی ڳئی ۔پراجیکٹ ڈائریکٹر پروفیسر وحید ݙسایا جو ہسپتال دی تعمیراتی کماں آغاز 2010 اچ تھیا ۔انہاں ݙسایا جو ایں ویلھے ایں پراجیکٹ دی لاڳت دا تخمینہ 347.358 ملین لاتا ڳیا ہئی جݙاں جو 30جون 2022 تئیں ایں منصوبے تے 673.390ملین خرچ تھی چکئن ۔پروفیسر ڈاکٹر وحید ݙسایا جو تھری ڈی ہسپتال جدید آلات اتے سہولتاں ہوسن تے اینکوں ٻہوں وختی مکمل کر ڳھدا ویسی ، ایں موقع تے صدر مملکت صدر عارف علوی آکھیے جو ہسپتال اچ جاری تعمیراتی کماں کوں وختی مکمل کیتا ونڄے تاں جو عوام کوں ایں جدید جدید تھری ڈی ہسپتال دیاں سہولتاں توں فیدہ چا سڳن ۔
