اسٹیٹ بینک دا ١٩٩٦ دے بعد بلند ترین شرح سود ٢٠ فیصد مقرر کرݨ دا اعلان
اسٹیٹ بینک آف پاکستان دا شرح سود اچ ٣٠٠ بیسس پوائنٹاں دا اضافہ کر ڈیتا گئیا جیندے بعد شرح سود ٢٠ فیصد تے پھج گئے ، جو ١٩٩٦ دے بعد بلند ترین شرح ھِ ۔ اسٹیٹ بینک دی طرفوں جاری اعلامیے دے مطابق زری پالیسی کمیٹی نے اجلاس اچ فیصلہ کیتا کہ شرح سود ٣٠٠ بیسس پوائنٹس ودھا تے ٢٠ فیصد کر ڈیتی ویسی۔
1/3 The Monetary Policy Committee decided to raise the policy rate by 300 basis points to 20 percent in its meeting today. https://t.co/8ceKtaFu3j pic.twitter.com/OZA85p0Ewx
— SBP (@StateBank_Pak) March 2, 2023
اعلامیے اچ آکھا گئیا کہ اے فیصلہ مہنگائی تے بیرونی مالی توازن دے حوالے نال توقعات اچ ویگاڑ دا مظہر ھِ
مرکزی بینک نے آکھیا کہ زری پالیسی کمیٹی دا منݨ ھِ کہ اے شرح مہنگائی دے درمیانی مدت دے ٥ تون ٧ فیصد تخمینے دے اندر رکھݨ دی ضامن ھِ
1/3 The Monetary Policy Committee decided to raise the policy rate by 300 basis points to 20 percent in its meeting today. https://t.co/8ceKtaFu3j pic.twitter.com/OZA85p0Ewx
— SBP (@StateBank_Pak) March 2, 2023
بیان اچ آکھا گئیا کہ زری پالیسی کمیٹی نے نشاندھی کیتی ھِ کہ کرنٹ اکاونٹ خسارے اچ کمی ضروری ھِ لیکن ایں کیتے بیرونی صورتحال دی بہتری پاروں سنجیدہ کوششاں درکار ھن۔ بیان تے زور ڈیتا گئیا ھِ کہ کہیں قسم دی مالی ویگاڑ توں مستحکم قیمتاں دے مقصد دے حصول اچ موثر زری پالیسی تے اثر پوسی۔
2/3 This decision reflects deterioration in inflation outlook & its expectations amid recent external and fiscal adjustments. MPC believes this outlook warrants a strong policy response to anchor inflation expectations around the medium-term target of 5-7 percent.
— SBP (@StateBank_Pak) March 2, 2023
ایں توں پہل اسٹیٹ بینک آف پاکستان دی طرفون ڈسایا گئیا ھا کہ مانیٹری پالیسی کمیٹی دا اجلاس ٢ مارچ کوں تھیسی۔
The forthcoming meeting of the Monetary Policy Committee has been preponed and now it will be held on Thursday, March 02, 2023. pic.twitter.com/555JOhCFoe
— SBP (@StateBank_Pak) February 28, 2023
٢٣ جنوری کوں وی اسٹیٹ بینک آف پاکستان دی طرفوں شرح سود اچ ١٠٠ بیسس پوائنٹس دا اضافہ کیتا گئیا ھا جیندے بعد شرح سود ١٧ فیصد تے پھج گئی ھائی۔ کراچی اچ پریس کانفرنس کریندے وہوے گورنر اسٹیٹ بینک جمیل احمد دا آکھݨ ھا کہ مانیٹری پالیسی کمیٹی نے شرح سود ١٦ فیصد توں ودھا تے ١٧ فیصد کر ڈیتی ھِ ، گزریل ٢ مہینیاں اچ مہنگائی اچ کجھ اعتدال آیا ھِ لیکن ایندے باوجود وی بنیادی مہنگاعی اچ مسلسل اضافے دا رجحان ھِ انہاں آکھیا ھا کہ کرنٹ اکاونٹ خسارہ ھݨ وی برقرار ھِ کیونکہ نویں رقوم دی ہم توقع کریندے پئے ھن ایندے اچ کجھ تاخیر تھئی ھِ جیندی وجہ نال زرمبادلہ دے ذخائر تے مسلسل دباؤ ھِ ۔ انہاں دا آکھݨ ھا کہ آئی ایم ایف تے ورلڈ بینک دی طرفوں عالمی سطح تے معاچی ترقی دی حالیہ پیش گوئی اچ تنزلی ڈکھائی ویندی پئی ھِ جیں پارون بین الاقوامی مارکیٹ اچ بے یقینی دی صورتحال برقرار ھِ جیندے اثرات اساڈی مارکیٹ تے پوندے ھن۔ جمیل اھمد نے آکھیا ھا کہ مانیٹری پالیسی کمیٹی نے پالیسی ریٹ ودھاوݨ دا فیصلہ ملک دی بیرونی تے مالیاتی پوزیشن دا تفصیلی تجزیہ کرݨ دے بعد کیتا۔
انہان آکھیا ہا کہ حقیقی شعبے دی ترقی اچ اسٹیٹ بینک نے گزریل مہینے اپنڑیں مانیٹری پالیسی اچ ایندی پیش گوئی ڈو فیصد کیتی ھائی لیکن ایں ویلے توقع ھِ کہ باھرلے خسارے دی وجہ نال ایں اچ کجھ رسک ھِ ایندے پاروں تھوڑی تنزلی دا دباؤ آ سکدا ھِ بعد از اسٹیٹ بینک دی طرفوی جاری پریس ریلیز اچ آکھا گئیا ھا کہ کمیٹی نے نومبر اچ اپنڑیں آخری اجلاس دے بعد ایں تریھ وڈی اقتصادی پیش رفتاں تے غور کیتا جیندے اچ گزریل ڈھا ماہ دے دوران بنیادی افراط زر اچ الافہ دا رجحان ظاہر تھیوݨ نال افراط زر دی شرح مسلسل بلند رھاوݨ ، کرنٹ اکاونٹ خسارے اچ پالیسی دی وجہ نال سکڑاو تے زرمبادلہ دے ذخائر اچ مسلسل کمی دے باوجود بیرونی شعبے کیتے چلنجان اچ اضافہ تے عالمی اقتصادی مالیاتی حاات قریب نال مختصر مدت اچ وڈے پیمانے تے بے یقینی رھاوݨ ھِ جیندے نتیجے اچ پاکستان دی معیشت دے اثرات پوسن۔
