کراچی اچ گارڈ نے ساتھی دی مدد دے نال سرکاری بینک لٹ گھیدا
کراچی اچ گارڈ نے ساتھی دی مدد دے نال سرکاری بینک لٹ گھیدا
واردات اچ ملوث گارڈ صرف ٣ روز قبل ھی بینک اچ نوکری واسطے آیا ھا تے ایکوں ھک نجی کمپنی دی معارفت دے نال نوکری ڈیتی گئی
کراچی(سرائیکی نیوز ۔ کرائم رپورٹر) رضویہ سوسائٹی اچ واقع سرکاری بینک دے گارڈ نے ساتھیاں دی مدد دے نال 25 لاکرز توڑ تے لکھاں روپے دی مالیت دے زیورات لٹ گھیدے۔
سرائیکی نیوز دے مطابق کراچی دے علاقے رضویہ سوسائٹی اچ واقع سرکاری بینک دے گارڈ نے اپنڑیں ساتھی دی مدد دے نال بینک اچ رکھی جیولری لٹ گھیدی۔
ایس ایس پی کراچی وسطی دا آکھن ھِ کہ بینک دے لوکرز اچ موجود نقدی محفوث رہی تاہم گارڈ نے اپنڑیں ساتھی دی مدد نال 25 لاکرز توڑ تے تمام طلائی زیورات لٹ گھیدے تے موقع تے فرار تھیئ گئیا نقیب زنی دی واردات اچ ملوث گارڈ صرف ٣ روز قبل ھی بینک اچ نوکری واسطے آیا ھا تے ایکوں ھک نجی کمپنی دی معارفت دے نال نوکری ڈیتی گئی ، ملزمان نے چوری دی واردار اچ گیس سیلنڈر تے لوہے دے راٹ استعمال کیتے تاہم خوش قسمتی نال بینک لاکرز اچ موجود نقدی محفوظ رہی، حکام نے ڈسایا کہ نجی کمپنی دی انتظامیہ توں گارڈ متعلق کوائف حاصل کر گھیدے گئے ھن جنہاں دی تصدیق جاری ھِ جبکہ بینک اچ موجود ڈوجہے گارڈ کوں حراست اچ گھن تے ملزمان دی تلاش واسطے چھاپے مارے ویندے پئے ھن۔
