پی پی ٢٠ دا معرکہ ن لیگ نے سر کر گھیدا، پی ٹی آئی کوں شکست

چکوال(سرائیکی نیوز) پی پی ٢٠ چکوال اچ ضمنی انتخاب دا معرکہ مسلم لیگ ن دے سلطان حیدر نے سر کر گھیدا، پاکستان تحریک انصاف دے طارق افضل ڈوجہی پوزیشن تے رہے

غیر حتمی تے غیر سرکاری نتائج دے مطابق ٢٢٧ پولنگ اسٹیشنز دا نتیجہ موصول تھئی گئیا مسلم لیگ ن دے امیدوار نے ٧٥ ہزار ٦٥٥ ووٹ گھن تے کامیابی حاصل کر گھیدی انہاں حریف پی ٹی آئی امیدار تے ٢٩ ھزار ٩٥٣ ووٹاں توں برتری حاصل کیتی ھِ ڈوجہے نمبر تے حریف پی ٹی آئی امیدوار طارق افضل کوں ٤٥ ہزار ٧٠٢ ووٹ جبکہ تحریک لبیک پاکستان دے امیدوار چوہدری ناصر عباس نے ١٤ توں زائد ووٹ حاصل کیتے۔

پنجاب اسمبلی دے حلقہ پی پی ٢٠ اچ ضمنی انتخابات واسطے سویرے ٨ وجے توں شام ٥ وجے تک بغیر کہیں وقفے دے پولنگ دا عمل جاری رھیا پولنگ دا وقت ختم تھیون دے بعد پولنگ اسٹیشنز اچ موجود افراد کوں ووٹ پاون دی اجازت ھائی۔

حلقے اچ ٢٢٧ پولنگ اسٹیشن جبکہ کل ووٹرز دی تعداد ٢ لکھ ٧٩ ہزار ٥٣٠ ھائی ، ٨١٤ پولنگ بوتھ توں ٥ کوں انتہائی حساس جبکہ ٤٥ کوں حساس قرار ڈیتا گئیا ھا، پنجاب اسمبلی ید نشست پی پی ٢٠ مسلم لیگ نواز دے لیاقت علی خان دے انتقال دے باعث خالی تھئی ، پولنگ دے دوران رینجرز تے پولیس دی بھاری نفری نے سیکورٹی دے فرائض انجام ڈیتے ۔