سال ٢٠١٩، دسمبر دے مہینے ءچ مہنگائی ١٢ اعشاریہ ٦٣ فیصد رھی
اسلام آباد (سرائیکی نیوز) پاکستان ءچ مہنگائی دی شرح دشمبر ءچ گزرن مہینے دے معاملے ءچ ١٢ اعشاریہ ٧ فیصد ءچ کمی تھئی تے ١٢ اعشاریہ ٦٣ فیصد رہ گئی ایندے باوجود اے نوں سالاں ءچ بلند ترین سطح تے ھِ ھک رپورٹ دے مطابق پسکتان محکمی شماریات پی بی ایس دی رپورٹ ءچ ڈسایا گئیا کہ کنزیومر پرائس انڈیکس دے نال معمول کیتی گئی افراط زر گزرن مہینے دے مقابلہ ءچ ٠ اعشاریہ ٣٤ فیصد گھٹ تھئی ھِ ایں حوالے نال جاری کردہ اعداد و شمار نال ظاہر تھیندا ھِ کہ دسمبر ءچ مجموعی افراط زر ءچ کھاوݨ دی زائد قیمتاں سبھ توں وݙا حصہ رھیاں ھن جبکہ اے وی ݙیٹھا گئیا ھِ کہ شہری علاقیاں دی نسبت دیہی علاقیاں ءچ چیزاں دیاں قیمتاں زیادہ رھیاں ھن ، دسمبر ءچ شہری علاقیاں ءچ سالانہ بنیاداں تے خوراک دی افراط زر ١٦ اعشاریہ ٧ فیصد ودھی لیکن ماہانہ بنیاداں تے اے وی گھڈ تھئی ھِ دیہی علاقیاں ءچ اے بالترتیب ١٩ اعشاریہ ٧ فیصد ودھ تے ١ اعشاریہ ١ فیصد گھٹ تھئی
