صاف پانڑیں کمپنی ءچ بے ضابطگیاں توں متعلق کیس، سپریم کورٹ نے کمپنیاں ءچ ونجن والے بیوروکریٹس کوں آئندہ سماعت تے طلب کر گھیدا

لاہور(سرائیکی نیوز۔جاوید اقبال) صاف پانڑی کمپنی اچ مبیہنہ بے ضابطگیاں توں متعلق از سر خود نوٹس دی سماعت دے دوران سپریم کورٹ نے صاف پانڑیں دی کمپنیاں سمیت دیگر کمپنیاں اچ ونجن والے بیورو کریٹس دی تفصیلات طلب کر گھیدی تے انہاں کوں آئندہ سماعت تے پیس تھیون دا حکم ݙے ݙیتا ۔ تفصیل ڊے مطابق چیف جسٹس پاکستان دی سربراہی ءچ ٢ رکنی بنچ نے صاف پانڑی کمپنی اچ مبینہ بے ضابطگتیاں توں متعلق از خود نوٹس دی سماعت کیتی ۔ عدالتی حکم تے صاف پانڑیں کمپنیاں دے چیف ایگزیکٹیو افسر عدالت اچ پیس تھئے ، چیف جسٹس نے چیف ایگزیکٹیو افسر توں مکالمہ کریندے ہووے آکھیا کیا تساں وی ھن لینڈ کروزر رکھی ہوئی ھ؟ ایں تے سی ای او صاف پانڑی کمپنی نے آکھیا کہ میڈے کول فارچونر گڈی ھِ چیف جسٹس نے استفسار کیتا کہ اے گڈی جو تساڈے کول ھِ کتنے دی ھِ سی ای او صاف پانڑیں کمپنی نے آکھیا کہ میڈی گڈی دی مالیت ٦٥ لکھ روپے ھِ  عدالت نے آکھیا کہ جتنے بیورو کریٹس کمپنیاں اچ گئے ھن انہاں دے گریڈ دے مطابق تنخواہ ملسی ۔ چیف جسٹس نے ریمارکس ݙیندے ہووے آکھیا کہ زیادہ تنخواواں واپس کرنا ہوسن۔ چیف جسٹس پاکستان نے آکھیا کہ کہیں سکول دی چار دیواری کینی تاں ہیں دے واش روم کینی زائد تنخواہواں گھن والے افسران توں پیسے وصول کر تے صحت و تعلیم تے لائے ویسن۔ چیف جسٹس نے آکھیا کہ کوئی نیب کوں مندے ݙیووے تاں سپریم کورٹ نال رجوع کرن، سنڑاں ھِ کوئی وزیر ھِ جو نیب کوں مندے ڈیندا رھیا ھِ ۔ عدالت دا چیف سیکریٹری پنجاب دی خدمات تے اطمینان دا اظہار کریندے ہووے آئندہ سماعت تے کمپنیاں ءچ خدمات ڈیون والے بیورو کریٹس کوں طلب کر گھیدا گئیا۔