٧ سالہ مبشرہ زیاڊتی و قتل کیس، چیف جسٹس پاکستان نے مقتولہ دی قٻر کشائی ڊا حکم ݙء ݙیتا

لاہور(سرائیکی نیوز) سپریم کورٹ لاہور رجسٹری اچ جڑانوالہ اچ ٧ سالہ بالڑی کوں زیادتی دا نشانہ بنڑاون دے بعد قتل دی سماعت دے دوران چیف جسٹس پاکستان نے مقتولہ دی قبر کشائی دا حکم ݙے ݙیتا ایم ایس الائیڈ ہسپتال فیصل آباد کوں دوباری پوسٹ مارٹم دا حکم ݙے ݙیتا۔ تفصیل دے مطابق چیف جسٹس پاکستان دی سربراھی اچ بینچ اچ ٧ سالہ مبشرہ کوں زیادتی دے بعد قتل کیتے ونجن دے کیس دی سماعت کیتی ، دواران سماعت آئی جی پنجاب نے عدالت کوں ڈسایا کہ تمام زاویاں نال کیس دی تفتیس کریندے پئے ھن مقتولہ بالڑی دے وکیل نے پوسٹ مارٹم رپورٹ تے اعتراض چا ݙیتا ایں تے چیف جسٹس پاکستان نے مبشرہ دی قبر کشائی دا حکم ݙے ݙیتا تے ایم ایس الائیڈ ہسپتال فیصل آباد کوں بالڑی دے دوبارہ پوسٹ مارٹم دا حکم ݙیندے ہووے آئندہ سماعت تے مقتولہ دے نمونیاں دی فرانزک رپورٹ وی طلب کر گھیدی، چیف جسٹس نے کیس اچ پیش رفت نا تھیوݨ تے حیرت دا اظہار کیتا تے پراسیکیوٹر جنرل کوں وی آئندہ سماعت تے تفتیش دی رپورٹ کرݨ دا حکم ݙے ݙیتا چیف جسٹس ثاقب نثار دا آکھن ھا کہ اطمینان عدالت تے ریاست دا ہوونڑاں چاھیدا ھِ درخواست گزار دی نی۔