عمران خان آسے پاسے کرپشن دیاں مشیناں کھڑی کر تے جہاڊ دی گالھ کریندا ودے، مولا بخش چانݙیو
اسلام آباد(سرائیکی نیوز) مرکزی سیکریٹری اطلاعات پاکستان پیپلز پارٹی مولا بخش چانڈیو دا آکھݨ ھِ کہ عمران خان دے آسے پاسے کرپشن دیاں مشیناں کھڑی کر تے جہاد دا اعلان کریندے ھن سندھ آون عمران خان دا حق ھِ لیکن انہاں کوں ایتھاں کجھ نا ملسی، پی ٹی آئی چیئرمین عمران خان دے بیانات تے رد عمل ڈیندے ہووے مولا بخش چانڈیو دا آکھن ھا کہ طالبان کوں بھائی آکھن والا صوفیاں دی سر زمین توں نامراد ولسی ، سندھ آوݨ عمران دا حق ھِ لیکن انہاں کوں ایتھاں کجھ نا ملسی کیونکہ سندھ دے لوگ نظریے کوں ووٹ ݙیندے ھن جھوٹ تے منافقت دے سودارگراں کوں نی ۔ انہاں آکھیا کہ عمران خان کوں سندھ اچ نواز شریف دی طرں مایوسی تھیسی لیکن عمران خان خیبر پختونخواہ اچ کھیر تے شہد دیاں نہراں دا پتہ ڈساون۔ خیال رھاوے پاکستان تحریک انصاف دے چیئرمین عمران خان سندھ دے دورے تے ھن جیتھاں او مختلف شہراں اچ ممبر سازی مہم اچ شریک ھن حیدر آباد تحریک انصاف دی ممبر سازی مہم نال خطاب کریندے ہووے عمران خان دا آکھن ھا کہ بھٹو تاں عظیم آدمی ھن لیکن اساں زرداری کوں سیاسی طور تے زندہ نی رھاون ݙیونڑاں، انہاں دا آکھن ھا کہ زرداری ازدھا بݨ تے لوگاں دا خون چوسیندا رھیا ھِ او چلن توں وی قاصر ھِ لیکن ول وی ایندا پیٹ نی بھردا۔
