سیاہی سٹھن دیاں حرکات دی حوصلہ افزائی نی کیتی ونج سکدی، محمد رفیق کھاکھی
جلال پور پیروالہ(سرائیکی نیوز۔ ولی محمد) جمعیت علمائے اسلام ضلع ملتان دے رھنماواں مولانا حبیب اکبر مولانا غلام مصطفی فردوسی ، پروفیسر مشتاق احمد ، مفتی محمد عثمان قریسی تے مولانا ابوبکر مدنی نے اپنڑیں دورہ جلال پور دے مواقع تے مولانا محمد رفیق کھاکھی دی رہائش گاہ تے صحافیاں نال گالھ مہاڑ کریندے ہووے آکھیا کہ جوتا تے سیاہی سٹھن دیاں حرکات دی حوصلہ افزائی نی کیتی ونج سکدی۔ اخلاق توں عاری افراد ایہو جیآں حرکاتاں کریندن تاہم مسلم لیگ ن دے رھنماواں کوں اپنڑیں طرز عمل تے غور کرنا چاھیدا ھِ ۔ عقیدہ ختم نبوت دا تحفظ مسلماناں دے ایمان دا حصہ ھِ اسلام آباد ھائی کورٹ دے فیصلے کوں آئین دا حصہ بنڑاون کیتے عملی اقدامات ضروری ھن۔ انہاں مزید آکھیا کہ جمعیت علمائے اسلام سنجیدہ سیاست تے یقین رکھیندی ھِ دریں اثناء جمعیت علماے اسلام دے مذکورہ رہنماواں دے مختلف دینی مدارس کوں سربراھان نال وی ملاقات کریندے ہووے انہاں نال تنظیمی امور بارے تبادلہ خیال کیتا۔
