سیاسی پارٹیاں وسیب دے ووٹ دا احترام کرن،فیصل شہزاد چغتائی

خطے نال وابستہ لوگ پاکستان نال محبت رکھیندن تے اپنڑاں حصہ زراعت ، ٹرانسپورٹ تے محنت نال ثابت کریندن، سیاسی پارٹیاں دا حق دی بجائے سرائیکی خطے دے خلاف الاون دی شدید مذمت کریندے ھیں، میڈیا نال گالھ مہاڑ

کراچی(سرائیکی نیوز۔جلیل احمد لاشاری) سیاسی پارٹیاں وسیب دے ووٹ دا احترام کرن، انہاں خیالات دا اظہار چیئرمین اے ایس ڈبلیو او ۔ پاکستان فیصل شہزاد چغتائی نے میڈیا نال گالھ مہاڑ کریدنے ہووے آکھیا کہ وسیب تے پہلے جنوبی پنجاب دے لبیل جبری طور تے لا ڈیتا گئیا ۔ ھن وسیب اچ رھاون والے لوگاں دے ووٹاں نے نال منتخب تھئی تے جمہوریت دے دعویدار وسیب دے عوام دے ووٹاں دی تذلیل نا کرن۔ انہاں آکھیا کہ ریاست بہاول پور پوری دنیا اچ ھک شناخت رکھیندی ھِ تے ایں ریاست نے پاکستان کوں جوڑے رکھے ریاست دے محبت کرن والے لوگاں تے سیاسی پارٹیاں اپنڑی اپنڑی سیاست چمکاون توں باز رھاون۔ انہاں نے آکھیا کہ سرائیکی قوم دا ہر فرد اپنڑی زبان دے نال محبت رکھیندے اگر سیاسی پارٹیاں دے لیڈراں نے اپنڑاں قبلہ درست نا کرن۔ سرائیکی خطہ اہمیت رکھیندے ملک دی ترقی اچ معاون کردار ادا کریندا پئے پئے ایں خطے نال وابستہ لوگ پاکستان نال محبت رکھیندن تے اپنڑاں حصہ زراعت ، ٹرانسپورٹ تے محنت نال ثابت کریندن، سیاسی پارٹیاں دا حق دی بجائے سرائیکی خطے دے خلاف الاون دی شدید مذمت کریندے ھیں۔ اپنڑیاں دکاناں چمکاون دی بجائے سرائیکی خطے دے غیور لوگاں دی مسائل کوں حل کیتا ونجے تے انہاں دے ووٹاں دے نال منتخب تھئی تے جمہوریت اچ اعلی مقام حاصل کرن والے لوگ اے نا بھلن کہ ظلم جئیں ویلے حد توں ودھ ونجے تاں لوگاں کوں باغی بنڑاں ڈیندے، انہاں آکھیا کہ سیاست دان اپنڑیں کیتے دی صفائیاں ڈیون واسطے تیار رھاون ایں واری سرائیکی لوگ انہاں دے گالھیں اچ نا آسن۔ اگر کوئی سیاسی پارٹی ، سیاسی تحریک اگر سرائیکی خطے دے نال محبت رکھیندی ھِ تے عوام واسطے درد رکھیندی ھِ تے او خواب ڈیکھاون دی بجائے دنیا کوں ڈساوے کے او خطے دے حق اچ ھِ ۔ انہاں اعلی حکام توں مطالبہ کیتا کہ وسیب اچ تعصب دی ھوا پھیلاون والیاں سیاسی پارٹیاں کوں پابند کیتا ونجے کہ تعصب دا بیج تے محبتاں دی فصل گھن دا خواب نا ڈیکھن۔