وکلاء دے گروپ توں بالاتر تھئی تے کم کریسوں، راؤ عبدالروف
وکلاء دے گروپ توں بالاتر تھئی تے کم کریسوں، راؤ عبدالروف
١٢ سال بعد وکلاء اتحاد گروپ دی کامیابی دی وڈی تبدیلی ھِ ، نو منتخب صدر بار دی وفد دے نال گالھ مہاڑ
خان پور(سرائیکی نیوز) نو منتخب صدر بار ایسوسی ایشن راو عبدالروف ایڈووکیٹ نے آکھیا ھِ کہ قانون دی بالادستی انصاف دی فراہمی تے وکلا دی فلاح و بہبود دے واسطے گروپ توں بالا تر تھئی تے کم کریسوں، انہاں نے آکھیا کہ وکلاء اتحاد گروپ دی ١٢ سال بعد کامیابی ھک وڈی تبدیلی ھِ او مبارکباد ڈیون دے واسطے آون والے سٹیزن رائتس دے ضلعی صدر منظور آفتاب کمبوہ ، فرحان کمبوہ ، راو جاوید ، راو محمد مسلم رضا ، شیخ محمد اسماعیل ، رئیس غلام اکبر لاٹکی، جام عبدالمجید جاوید ، زبیر سبحانی ، ڈاکٹر محمود قریشی تے دیگر آون والے سماجی رہنماواں تے صحافیاں نال گالھ مہاڑ کریندے پئے ھن
انہاں آکھیا کہ اساڈا مطلع نظروکلا برادری دے مسائل کوں حل کرن ھِ ایندے نال بار تے بنچ دے درمیان چنگے تعلقات و اعتماد کوں فروغ ڈیندا ھِ تاکہ عوام کوں جلد انصاف دی فراہمی ممکن بنڑاون ونج سکے انہاں نے آکھیا کہ اساڈی کامیابی گروپ لیڈرز جام عبدالمجید ایڈووکیٹ ، الیاس خان لولائی ایڈووکیٹ ، رانا لیاقت علی ایڈووکیٹ ، جام رشید سمیجہ ، پیر عبدالرحمن صدیق دین پوری تے دیگر معزز لیڈراں دی ڈنہیں رات محنت دا نتیجہ ھِ انہاں دی بھرپور کامیابی تے انہاں کوں مبارکباد تے ہار پووائے گئے
