اسلام آباد۔13دسمبر (اے پی پی):وزیر اعظم شہباز شریف آکھیے جو پاکستان اچ موٹر ویز دی تعمیر دا سہرا قائد محمد نواز شریف کوں ویندے ۔ سکھر حیدر آباد موٹر وے دا سنگ بنیاد پاکستانیاں دے نال نواز شریف دے ھک ٻئے عہد دی پاسداری اے۔منڳل کوں آپݨے ٹویٹ اچ انہاں آکھیے اڄ اساݙے قائد میاں محمد نواز شریف دے اپݨے پاکستانیاں نال عہد دی پاسداری کریندے ہوئیں 306 کلومیٹرطویل سکھر-حیدر آباد موٹروےداسنگِ بنیاد رکھ ݙتا ڳئے ۔ بلاشبہ پاکستان اچ موٹرویز دی تعمیر دا سہرا صرف تے صرف قائد میاں محمد نواز شریف کوں ہی ویندے ۔انہاں آکھیے سکھر حیدر آباد موٹروے 30 مہینے دے گھٹ مدت اچ مکمل تھی تے پشاور توں کراچی،پاکستان دے سارے وݙے شہراں جوڑ ݙیسی تے ایندے نال روزگار دے تقریباً 25 ہزار نویں مواقع پیدا تھیسن ، ماضی اچ موٹرویز تے ٻئے میگا پراجیکٹس دی تعمیر دے ناقد اڄ انہاں منصوبیں دے معترف ہن۔