شمالی وزیرستان، بارودی مواد پھٹݨ نال پاک فوج دے ٢ اھلکار شہید
خیبرپختونخوا دے ضلع شمالی وزیرستان دے علاقے عیشام اچ بارودی مواد پھٹݨ نال پاک فوج دے ڈو اھلکار شہید تھئی گئے۔
پاک فوج دے شعبہ تعلقات عامہ (آئی ایس پی آر ) دے مطابق شہید تھیوݨ والے اھلکار نائب صوبیدار جاوید اقبال دا تعلق اٹک جبکہ نائیک حسین احمد دا تعلق اوکاڑہ نال ھِ آئی ایس پی آر دے مطابق ولاقے اچ دھشت گرداں دے خاتمے تے تلاش پاروں آپریشن جاری ھِ
واضح رھاوے کہ ایں توں پہل ٢٠ ستمبر کوں وی خیبرپختونخواہ دے قبائلی ضلع شمالی وزیرستان اچ افغانستان توں دھشت گرداں دی فائرنگ نال پاک فوج دا سپاہی شہید تھئی گئیا ھا ۔ ائی ایس پی آر دی طرفوں جاری بیان اچ آکھیا گئیا ھا کہ ١٩ ستمبر کوں افغانستان دے اندروں دھشت گرداں نے شمالی وزیرستان دے شہری علاقے دواتوئی اچ پاکستانی فوجیاں تے فائرنگ کھول ڈیتی ھائی ۔ بیان اچ آکھیا گئیا کہ پاک فوج دے جواناں نے بھر پور جواب ڈیتا تے باوثوق انٹیلی جینس رپورٹ دے مطابق جوابی فائرنگ نال دہشت گرداں کوں وی نقصان چاونڑاں پیا۔ ایں توں پہل ١٤ ستمبر کوں وی کرم دے علاقے اچ افغانستان توں دہشت گرداں دی فائرنگ دے نتیجے اچ پاک فوج دے تریھ جوان شہید تھئے ھن۔
