سب میرین کیبل نظام اچ خرابی، ملک بھر اچ انٹرنیٹ متاثر
سنگاپور توں فرانس تے اٹلی تک ونجݨ والی سب میرین کیبل سسٹم اچ تکنیکی خرابی پیدا تھئی ھِ جیندی وجہ نال پاکستان اچ انٹرنیٹ صارفین کوں مشکلات دا سامنڑاں کرنا پیا ھِ
اخباری رپورٹ دے مطابق کیبل چلاوݨ والی کمپنی ٹرانس ورلڈ ہوم دی طرفوں جاری کرݨ دا ھک بیان اچ آکھیا کہ ٹیرسٹیریل نیٹ ورک اچ فائبر کٹݨ دے پاروں ملک اچ انٹرنیٹ سروس اچ خلل پئے۔ وزارت انفارمیشن ٹیکنالوجی تے ٹیلی کمیونیکیشن دے ھک سینئر اھلکار نے اخبار کو ڈسایا کہ پاکستان اچ تریھ سب میرین کیبل آپریٹرز اچوں ھک ٹرانس ورلڈ ویسسی ایٹس دے کیبل نیٹ ورک اچ خلل آئیا ھِ
مصر دے نیڑے سوئز کینال تے بحریہ روم اچ کیبل سسٹم اچ خرابی دے باعث دیگر ملکاں اچ وی انٹرنیٹ سروس متاثر تھئی ھِ
ٹرانس ورلڈ ایسوی ایٹس دے ھک سینئر اھلکار نے ڈسایا کہ کیبل سمندر دی گہرائی اچ موجود ھائی لیکن مصر اچ تقریبا ٤٨٠ کلو میٹر دا ھک ٹکڑا خشکی تے ھا تاکہ سوئیز کینال اچ بحری جہازاں دی نقل و حرکت دی وجہ نال پریشانی توں بچا ونج سکے۔ اھلکار مزید ڈسایا کہ زمین تے مرمت دا کم ، سمندر دی گہرائی اچ نقصان دا سراغ لاوݨ دے مقابلے اچ آسان ھِ
