اساں ملک بچیندے رہ ڳئے ہیں اتے ساکوں ضمنی انتخاب اچ دھکا ݙے ݙتا ڳئے، وفاقی وزیر ریلوے و ہوا بازی خواجہ سعد رفیق
اسلام آباد۔22 جولائی(اے پی پی)وفاقی وزیر ریلوے و ہوا بازی خواجہ سعد رفیق آکھیے جو عمران خان دی کیتے دی سزا انہاں کوں ملݨی چاہیدی ہئی ٻھل اساں عمران خان دا ٻھار چاتے، اساں ملک بچیندے رہ ڳئے ہیں اتے ساکوں ضمنی انتخاب اچ دھکا ݙے ݙتا ڳئے۔ لاہور اچ پریس کانفرنس کریندے خواجہ سعد رفیق آکھیا جو عمران خان ملک دے اداریاں تے قبضہ چاہندن، سوشل میڈیا تے لوکاں کوں گمراہ کیتا ویندا پئے، ساݙ منہ تساں جیلاں اچ ݙھک تے وی بند نوے کر سڳدے۔ انہاں آکھیا جو چیئرمین نیب اپوزیشن دی صلاح نال کیتے۔ انہاں آکھیا جو عمران خان ݙسن جو کیا اسٹیبلشمنٹ کوں نیوٹرل نئیں رہݨا چاہیدا؟ اساں ضمنی الیکشن اچ ہار منی اے جیکر اڄ ادارے نیوٹرل ہین تاں انہاں کوں رہݨ ݙیو، ہر ادارے دی آئینی حدود اے۔ خواجہ سعد رفیق آکھیا جو 63 اے دی وضاحت انصاف و آئین دے تقاضے نال متصادم اے، 63 اے دی ریویو پیٹیشن کوں فل کورٹ کوں سݨݨا چاہیدے، اساں کہیں کوں ملک تباہ نا کرݨ ݙیسوں۔
