بائیڈن عرب سمٹ اچ اسرائیل دی شمولیت پاروں پرُ امید
امریکی صدر جوبائیڈن ہفتے دے ڈینھ سعودی عرب اچ عرب رہنماواں نال گٹھ جوڑ دے دوران علاقائی میزائل تے دفائی صلاحیتاں تے تبادلہ خیال کریسن۔ جیتھاں او اسرائیل کوں ھک نویں محور دے حصے دے طور تے عرب دنیا اچ ضم کرݨ دی کوشش کریسن۔
خبررساں ایجنسی رائٹر دے مطابق بائیڈن دا آکھݨ ھا کہ اساں کوں یقین ھِ کہ ایں خطے اچ زیادہ توں زیادہ صلاحیتاں کوں شامل کرݨ دی لوڑ ھِ تے یقینی طور تے اسرائیل دے کول اہم فضائی تے میزائل دفاعی صلاحیتاں ھن جیندی عرب ملکاں کوں لوڑ ھ لیکن اساں انہاں ملکاں دے نال ڈو طرفہ طور تے گالھ مہاڑ کریندے پئے ہیں۔