اپوزیشن ڊءِ ٩ اراکین کون سزائے موت تے ٢٥ کوں عمر قید دی سزا سنڑاں ݙیتی
ݙھاکہ (سرائیکی نیوز۔ ویب ݙیسک) بنگلہ دیشی عدالت نے وزیر اعظم حسینہ واجد تے حملے دے الزام ءچ اپوزیشن دے ٩ بندیاں کوں سزائے موت تے ٢٥ کوں عمر قید دی سزا سنڑاں ݙیتی ، غیر ملکی خبر رساں ادارے دے مطابق بنگلا دیش دی وزیر اعظم شیخ حسینہ واجد تے ١٩٩٢ دے ٹرین حملے دے الزام ءچ عدالت نے اپوزیشن دے ٩ رہنماواں کوں سزائے موت تے ٢٥ کوں عمر قید دی سزا سنڑاں ݙیتی، خیال رھاوے کہ ٢٣ ستمبر ١٩٩٢ کوں ایں ویلے اپوزیشن لیڈر شیخ حسینی واجد ٹرین دے ذریعے سفر کریندی پئی ھائی کہ انہاں تے پکشی ریلوے اسٹیشن تے حملہ کیتا ، حملہ آوراں نے نا صرف براہ راست فائرنگ کیتی تے گڈی تے دستی بم وی سٹے جیندے نتیجے ءچ درجناں بندے ھلا تھئی گئے تاہم شیخ حسینی واجد حملے ءچ بچ گئی ھائی ، ڈوجہے پاسے سابق وزیر اعظم تے ایں وقت دی اپوزیشن رہنما خالدہ ضیاء نے عدالتی فیصلے دا رد کریندے ہووے ایکوں سیاسی فیصلہ قرار ݙے ݙیتا، رپورٹ دے طمابق بنگلہ دیشی وزیر اعظم حسین واجد تے ھن تک تقریبان ١٩ وی حݨلے تھئی چکے ھن تاہم انہاں سارے حملیاں ءچ او جان بچاوݨ ءچ کامیاب رھی
