سعودی عرب ، اتحادیاں کوں اسلحہ ویچݨ دی قرار داد ٹرمپ نے ویٹو کر ݙیتی
سعودی عرب(سرائیکی نیوز۔ مانیٹرنگ ڈسیک) امریکی صدر ڈونلڈ ٹرمپ نے سعودی عرب تے متحدہ عرب امارت (یو اے ای) کوں ہتھیاراں ویچݨ توں متعلق کانگریس دی منظور شدہ قرار داد کوں ویٹو کریندے ہووے مسترد کر ݙیتا، غیر ملکی خٻر رساں ادارے ایسوسی اینڈ پریس (اے پی) دے مطابق قرار داد ویٹو تھیوݨ دے بعد واشنگٹن اپنڑیں اتحادیاں بشمول ریاض تے ابوظہبی کوں ارباں ڈالر دے ہتھیار فروخت کر یسی،۔ خیال رھاوے کہ ٹرمپ مشرق وسطی ءچ ودھدئی ہوئی کشیدگی دے دوران سعودی عرب ، متحدہ عرب امارات تے اردن کوں طیارے ، گولہ بارود تے دیگر ہتھیار تے آلات ویچݨ دا خواھشمند ھا، ٹرمپ انتظامیہ نے رواں سال مئی ءچ ہتھیاراں دے ویچݨ دی منظوری کیتے کانگریس دی رائے گھیدے بغیر غیر معمولی قدام چاتا ھا جیندا مقصد یمن جنگ ءچ مصروعف سعودی عرب تے ایندے اتحادیاں کوں ہتھیار فروخت کرݨ ھا۔
