فیصل آباد تے چنیوٹ کیتے صحت انصاف کارڈ تے آئی سی یونٹ دا افتتاح، صوبے دی ٣٠ فیصد آبادی کور کریسن، عثمان بزدار

لاہور،فیصل آباد(سرائیکی نیوز)فیصل آباد تے چنیوٹ کیتے صحت انصاف کارڈ تے آئی سی یونٹ دا افتتاح، صوبے دی ٣٠ فیصد آبادی کور کریسن، عثمان بزدار، تفصیل دے مطابق وزیر اعلی پنجاب سردار عثمان بزدار نے فیصل آباد ءچ فیصل آباد تے چنیوٹ کیتے صحت انصاف کارڈ دے اجراء دے پروگرام دا باقاعدہ آغاز کر ݙیتا تے بعد ازاں وزیر اعلی پنجاب نے ڈسٹرکٹ ھیڈ کوارٹر ہسپتال فیصل آباد ءچ جدید آئی سی یونٹ دا افتتاح کر ݙیتا ۔ تفصیل دے مطابق وزیر اعلی عثمان بزدار نے فیصل آباد میڈیکل یونیورسٹی دے آڈیٹوریم ءچ فیصل آباد تے چنیوٹ دے مستحق بندیاں ءچ صحت انصاف کارڈ تقسیم کیتے گئے ۔ وزیر اعلی نے تقریب توں خطاب کریندے ہووے آکھیا کہ پنجاب بھر دے تقریبان ٧٠ لکھ خاندان تے ساڈھے ٣ کروڑ بندے صحت انصاف کارڈ توں مستفید تھیسن، صوبے دی تقریبا ٣٠ فیصد آبادی کوں ایں کارڈ دے ذریعے ہیلتھ کور حاصل ہوسی۔ ہر ھیلتھ کارڈ ہولڈر تے ایندے خاندان دا معیار پرائیویٹ ہسپتال ءچ مفت علاج ہوسی، تاہم ہیلتھ کارڈ دی لمٹ ست لکھ وی ھزار ھِ جیویں ضرورت دے تحت ودھایا وی ونج سکدا ھِ فیصل آباد دی ٢٢ فیصد آبادی کوں صحت انصاف کارڈ دے ذریعے مفت علاج ملسی ، چنیوٹ دی ٢٣ فیصد آبادی صحت انصاف کارڈ دے ذریعے مفت علاج نال مستفید تھیسی۔ ہیلتھ کارڈ دے مریض کوں ہسپتال گھن آوݨ تے گھن ونجݨ کیتے کرایہ وی حکومت ادا کریسی ، صحت کارڈ دے ذریعے حادثات سمیت آٹھ امراض دی صورت ءچ مفت علاج میسر ہوسی ابتدائی علاج معالجے دے بعد مریض کوں فری فالواپ دی سہولت فراہم کیتی ویسی ۔ ہیلتھ کارڈ دے ذریعے ہر قسم دی ایمرجنسی سرجری تے ماں تے بال دی صحت توں متعلق طبی مشاورت مفت ملسی ، ایں موقع تے وزیر اعلی نے آکھیا کہ معاشرے دے نادار طبقات حکومت دی خصوصی توجہ دے مستحق ھن ، نادار تے مستحق لوگاں کو باعزت انداز ءچ علاج دی سہولت فراہم کرݨ حکومت دی ذمہ داری ھِ ،