سابق وزیر اعظم دا خاندان عدالتاں توں مفرور، نواز شریف دی سزا اپنڑی جگہ تے قائم ھِ ، میاں حماد اظہر

لاہور ۔ وفاقی وزیر مالیات میاں حماد اظہر دا آکھݨ ھِ کہ اساں نواز توں متعلق انسانی بنیاداں تے فیصلے دی حمایت کیتی ، سابق وزیر اعظم دا خاندان عدالتاں توں مفرور ھِ نواز شریف دی سزا اپنڑی جاء تے قائم ھِ لاہور ءچ میڈیا نال گالھ مہاڑ کریندے ہووے حماد اظہر نے آکھیا کہ اساں دلی طور تے دعاگو ہیں کہ نواز شریف صحت یاب تھیووے، انہاں دی صحت تے سیاست نی کیتی۔ قانون تے عدالتاں دا احترام ھِ نواز شریف خاندان عدالتی مفرور ھِ قانون سبھ کیتے ھیکو جیاء ھِ انہاں دا آکھݨ ھا کہ ق لیگ اتحادی ھِ تے اتحادی رھاسی، وزیر اعظم عمران خان دے بارے کوئی مفروضہ قائم نیں کرݨ چاھندے ایں موقعے تے وزیر اطلاعات پنجاب میاں اسلم اقبال نے آکھیا کہ انہاں دے لیڈر دی خواہش ھائی کہ ݙو نی ھک پاکستان ہووے عام قیدیاں کوں وی ایہو جئیاں سہولتاں ملنڑیاں چاھیدیاں ھن، میاں نواز شریف کوں صحت دی بہترین سہولتاں فراہم کیتیاں، میاں اسلم اقبال دا آکھݨ ھا کہ ٹماٹر ایں واسطے مہنگے ھن کہ بھارت توں تجارت نی تھیندی پئی ۔