اسلام آباد پولیس دے جعلی اکاونٹاں توں مضحکہ خیز ٹوئٹس ، شہری حیران
ایندے ءچ کوئی شک کینی کہ ٹوئٹر تے نا صرف معروف شخصیات بلکہ معروف اداریاں دے ناں توں وی جعلی اکاونٹ موجود ھن جنہاں لوگ اصل اکاونٹ سمجھ تے غلط فہمی دا شکار بݨ ویندے ھن ، ایہو جئے اکاونٹاں نال شیئر کیتے ونجن والے مواد تے لوگ ایں ویلے حیران رہ ویندن جئیں ویلے انہاں اکاونٹاں توں انتہائی مضحکہ خیز یا نا مناسب ٹوٹس کیتیاں ویندیاں ھن تے ایہو جی نا مناسب ٹیوٹس اسلام آباد پولیس دے ناں توں بنڑائے گئے جعلی اکاونٹاں توں وی کیتیاں گئیاں ھن جنہاں کوں پڑھ تے کئی لوگ حیران رہ گئن ، سٹی پولیس نامی ٹوئٹر ھینڈل توں سال نو دے موقع تے کئی واری نا مناسب ٹیوئٹس کیتیاں گئیاں ھن جنہاں کوں پڑھ تے لوگ حیران رہ گئے
مذکورہ ٹوئٹر ھینڈل توں اگرچی پہل وی مشکوک ٹوٹس کیتیاں ویندیاں رھیاں ھن تاہم سال نو دے موقع تے ایں ٹوئٹر اکاونٹ توں مزاحیہ و نا مناسب ٹوئٹس کیتیاں گئیاں ھن جنہاں کوں ݙیکھ تے کئی لوگ حیران رہ گئن ، جعلی اکاونٹ توں نا مناسب ٹوئٹس کیتے ونجن دے بعد اسلام آباد پولیس دے اصلی اکاونٹ تے وی ایں گالھ دی وضاحت کیتی گئی ھِ کہ مذکورہ اکاونٹ جعلی ھ اسلام آباد پولیس دے اصلی اکاونٹ توں لوگاں کوں اپیل کیتی گئی کہ او جعلی اکاونٹ دے خلاف ٹویٹر کوں رپورٹ کرن تاکہ ایکون بلاک کیتا ونج سکے۔
