١٠٠ بیماریاں دا فطری تے آسان علاج

ڈاکٹر آصف محمود جاہ ـ ستارہ امتیاز

صحت زندگی ھِ بیماری دی صورت ءچ چنگی صحت کیتے ادویات دا صحیح تے بے جا استعمال بہوں ضروری ھِ ایلوپیتھک دوائیاں دے بے جا تے غیر ضروری استعمال دے نال انہاں دوائیاں دے مضر اثرات دی وجہ نال صحت کوں ناقابل تلافی نقصان پھج سکدا ھِ ایندے نال نال ہوش اُڈاوݨ والی مہنگائی دے ایں دور ءچ آسمان نال گالھیں کریندی دوائیاں کوں گھنݨ ہر کہیں دے وس دی گالھ کینی، دوائیاں دی قیمت ءچ ہر ݙینھ اضافہ تھیندا پیا ھِ ایں وجہہ کر تے گھریلو ٹوٹکیاں دی اہمیت تے افادیت ودھ گئی ھِ ایں وجہہ نال بیماریاں تے قابو پاوݨ کیتے قدرتی طریقہ علاج دی اہمیت تے مقبولیت روز افزاں ھِ مغربی ممالک ءچ ایں تے نت نویں تحقیق جاری ھن چونکہ قدرتی طریقہ علاج ءچ کہیں قسم دے مضر اثرات دا کوئی خطرہ کینی ایں کیتے ایں نال صحت کوں نقصان پھجھݨ دا کوئی اندیشہ نی ہوندا حالیہ سالاں ءچ امریکا ، جاپان ، چین تے انڈیا ءچ ہربل دوایاں مختلف پھلاں تے جڑی بوٹیاں نال بنڑی ہوندی ھِ ادویات دی انڈسٹری سب توں زیادہ ترقی کریندی پئی ھِ ہر سال انہاں دویاں تے کروڑاں ڈالراں دا کم کار تھیندے اللہ نے مختلف قسم دی سبزیاں پھلاں اناج وغیرء ءچ انمول طاق رکھی ھِ شہد ، لہسن ، گھیا (لوکی) زیتون دا تیل ، میتھی ، کلونجی کالی مرچ ، اسپغول دا چھلکا ، انجیر ، تربوز ، خربوزہ ، ناشپاتی ، آڑو تازی پانڑیں ، آلو بخاری ، نمک ، گڑ، ڈھی ، ستو ، جو ، گاجر ، دھنیا ، پودینہ ، مولی ، پیاز ، گھیکوار ، کچی لسی وغیری حقیقتان من سلوی توں ودھ تے نعیمتاں ھن انہاں دے مناسب استعمال نال مختلف بیماریاں انہاں دی علامات تے پیچیدگیاں تے قابو پایا ونج سکدا ھِ

درج ذیل ءچ مختلف سبزیاں پھلاں وغیرہ دے مختلف طریقیاں دے استعمال تے مشتمل ١٠٠ آزمودہ نسخے بیان کیتے ویندے پئے ھن ایلوپیتھک ڈاکٹر ھوون دے باوجود میکوں اے آکھݨ ءچ کوئی تامل کینی کہ قدرتی طریقہ علاج بہوں اعلی ھِ کیونکہ ایندے ءچ کہیں قسم دے مضر اثرات تے دوائیاں دے غلط سلط تھیووݨ دا کوئی امکان نی ہوندا، ایں گالھ دا تجربہ تے مشاہرہ کیتا گئیا کہ کہیں ویلے جئیں ویلے ایلو پیتھک دوائیاں کجھ نہ کر سکن تاں قدرتی طریقہ علاج جادوئی اثر کر ݙیکھیندے سینکڑاں مریضاں نے انہاں نسخیاں تے عمل کر تے فائدہ چاتا ھِ

اے سبھ آزمودہ نسخے ھن انہاں کیتےطب دی مشہور کتاباں توں استفادہ تے برزگاں توں مشورہ گھیدا گئیا ۔ علاج ازیں مختلف حالات ءچ بیماریاں نال نمٹن ءچ انہاں کوں کامیابی دے ساتھ آزمایا وی گیا اے نسخے استعمال کرݨ دے نال نال بیماری دی مکمل تشخیص تے علاج کیتے اپنڑین ڈاکٹر نال ضرور مشورہ کرن جبکہ دوائیاں دے غیر ضرور استعمال توں پرھیز کرن

١۔ گھیکوار دا گودا سویرے شام منہ تے ملݨ نال داغ دھبے دور تھئی ویندن

٢ـ پیشاب دی جلن دور کرݨ کیتے پانڑیں دا زیادہ استعمال کرو

٣ـ  زیادہ تریھ لگے تاں کھکڑیاں کھاو ، تریھ نہ وسمے تاں کھیر دی کچی لسی بنڑاں تے ݙو تریھ گلاس پیو ، تریھ ختم تھئی ویسی

٤ـ پیراں ءچ سیک نکلدا ہووے تاں سویرے شام گھیکوار دے گودے دی مالش کرو

٥ـ دل دی تیز دھڑکن تے پیٹ ءچ گیس کوں روکݨ کیتے سونف تے خشک دھنیا ھک ھک چھٹاک صاف کر تے پیھ گھینو ، ڈیڈھ چھٹانک شکر ملاو ، سویرے شام ھک ھک چمچ گھنیو۔

٦ـ اپنڑیاں آکھیاں دی دید ودھاوݨ کیتے ست بادام پیھ تے آدھ چمچ سونف مصری دے نال روزانہ گھینو۔

٧ـ گرمیاں ءچ آکھ دی سرخی تے جلن دور کرݨ کیتے پنج یا ست آملے گھن تے مٹی دے پیالے ءچ رات کوں پُسا ݙیو ، سویرے پانڑیں چھاݨ تے آنکھیں تے چھنٹے مارو۔

٨ـ بالاں ءچ پیٹ دے کیڑیاں توں نجاد کیتے کمیلہ دا ٣ گرام سفوف سویرے شام ݙیو ۔

٩ـ پھٹے ہووے پیرا تے جلن دے علاج کیتے ھک تولہ کچا سہاگا ھک تولہ پھتکری ھک تولہ گندھک گھن تے پیس گھینو تے ایندے ءچ پیٹرلیم جیلی ملا تے رات کوں سمدے ویلے پیرا تے لاو کجھ ݙینھاں ءچ افاقہ ملسی

١٠ـ موٹاپا گھٹ کرݨ کیتے پیسی ہوئی کلونجی دا آدھا چمچ ھک کپ پانڑی ءچ ابال تے سویرے نہار منہ تے شام کوں گھینو، ھک گلاس پانڑیں ءچ کلونجی تیل دے چار پنجھ قطرے تے ھک لیموں دا رس پا تے سویرے شام متواتر ھک مہینے گھنݨ نال وی موٹاپے تے قابو پاتا ونج سکدے۔

١١۔ زکام دے خاتمے کیتے تھوڑی جئی چینی دھکدے ہوئے کوئلیاں تے سٹھ تے ایندا دھواں سنگھݨ نال نزلہ ختم تھئی ویندے۔

١٢ـ ساوے دھانڑیں دا پانڑیں کݙھ تے سونگھݨ نال چھیک آوݨ تے کنٹرول کیتا ونج سکدے۔

١٣ـ نکسیر دا خون بند کرݨ کیتے ساوے دھانڑیں دا پانڑیں کڈھ تے سونگھو شفاء ملسی

١٤ـ ناک دی بدبو دور کرݨ کیتے چٹکی بھر پھٹکڑی تھوڑے پانڑیں ءچ حل کر تے نک ءچ پاو ۔

١٥ـ چھوٹے بالاں دے پیشاب دی جلن دور کرݨ کیتے پانڑیں ءچ وسل پیھ تے ٦٠ گرام چینی ملا تے سویرے شام ݙو توں تریھ چمچے پلاو

١٦۔ بدہضمی تے الٹیاں روکݨ کیتے ٣٠ گرام پیاز ، پودینہ دے تھوڑے پتے ست کالی مرچاں چنگی ططرح ملا تے ݙیو

١٧۔ سویرے شام سلاد دے طور تے پیاز دا استعمال بدہضمی رکیندا ھِ تے قوت باہ ودھیندا ھِ

١٨۔ بھوک ودھݨ کیتے پھلاں دے سر دے ءچ پیاز تے ادرک کٹ تے ، پودینے دے پتے ، لہسن دے دو اچار دے ٹکڑے تے تھوڑی جئی کشمش ملا تے کھاوݨ نال بطور سلاد استعمال کرو

١٩۔ سر دے زخماں تے خارش دور کرݨ کیتے نیم دیاں نمولیاں پیھ تے پانڑیں ءچ ملا تے گھاٹا لیپ بنڑاں تے رات کوں والیاں ءچ چنگی طرح لاو۔

٢٠۔ سردیاں ءچ ہتھ پیراں دی انگلیاں دی سوجن دور کرݨ کیتے گھیا (لوکی) کاکدوکش کر تے ہتھ پیراں تے چنگی طرح لاو ھک گھنٹے بعد ہتھ پیر دھو گھینو ول پیٹرولیم جیلی لاو

٢١۔ کھنگ (کھانسی) روکݨ کیتے سویرے ، ڈوپہر ، شام ملٹھی منہ ءچ رکھ تے چوسو تے ایندا جوس نگل ونجو۔

٢٢۔ آکھیاں دی جلن دور کرݨ کیتے ٹھڈے پانڑیں دے چھنڈے مارو تے برف نال ٹکور کرو

٢٣۔ زخمی دی سوج دور کرݨ کیتے زخم تے وسل ساڑ تے ایندے ءچ ھلدی ملا تے لیپ بنڑاں تے لاو۔

٢٤۔ دائمی قبض روکݨ کیتے سویرے شام زیتون دا تیل استعمال کرو۔

٢٥۔ پیٹ دے جملہ امراض روکݨ کیتے اسپغول دا چھلکا بلاناغہ استعمال کرو، ٢٦۔ ھچکی روکݨ کیتے دیسی گھی ءچ سوجی دا حلوہ بنڑاں تے کھاو، منہ ءچ برف دی ڈلی رکھو یا آہستہ آہستہ گنڈھیریاں چوسو۔، ٢٧۔ بالاں ءچ بخار زیادہ تھئی ونجے تاں فوران دھوا ݙیو یا ٹھڈے پارنڑیں دیاں پٹیاں کرو۔ ٢٨۔ دست تے الٹیاں روکݨ کیتے سونف ، پودینہ دھنیا دا قہوہ بنڑاں تے پلاو، ٢٩۔ پیراں کوں نرم و ملائم کرݨ کیتے سمݨ توں ڈھا منٹ پہلے تازہ پانڑیں ءچ پُسا ݙیو ، پانڑیں ءچ تھوڑے قطرہ روغن زیتون تے تھوڑا جیاء لوݨ ملاو ، خشک ک رتے پیٹرولیم جیلی یا سرسوں دا تیل لاو۔ ٣٠۔ کولیسٹرول گھٹ کرݨ کیتے ھک چمچ آملہ پاوڈر تے مصری پاوڈر ملا تے روزانہ سویرے نہار منہ ھک گلاس پانڑیں دے نال گھینو۔ ٣١ـ زہریلے کیڑا کٹ ونجے تاں تھوم دا تیل تے شہد ملا تے زکمی والی جا تے لاو ، ٣٢۔ بالاں ءچ پیٹ دے کیڑے ختم کرݨ کیتے کلونجی کوں پانڑی ءچ ابال تے ایندا پانڑیں رات کوں سمݨ توں پہلے پلاو ۔ ٣٣۔ جوڑاں دے درد روکݨ کیتے نیم دے پتیاں دی مالیش کرو۔

٣٤۔ تھوم کوں ساڑ تے شہد ملا تے لاوݨ نال پھوڑے پھونسیاں تے نشان دور تھئی ویندن ٣٦۔ زیابیطس کوں کنٹرول کرݨ کیتے پلیتھݨ ءچ تازہ یا پسی ہوئی میتھری ملا تے روٹی بنڑاں تے روزانہ ناشتے ءچ کھاو ، ݙو توں تریھ ہفتیاں ءچ شوگر کنٹرول تھئی ویسی۔

٣٧ ۔ ڈند دے درد کوں دور کرݨ کیتے لونگ استعمال کرو ، ٢٨۔ بلڈ پریشر کنٹرول کرݨ کیتے آڑو ، پھلیاں ، لوبیا ، مٹر ، ناشپاتی ، کیلا زیادہ استعمال کرو۔ ٤٠۔ سونف دا زیادہ استعمال آکھیں دی بینائی کوں تیز کریندے ۔ ٤١۔ شکر تے سونف ہم وزن گھن تے ایں کوں کٹ گھینو چکر دور کرݨ کیتے سویرے و شام ھک چمچ پانڑیں دے ھک گلاس گھینو ۔ ٤٢۔ سویرے نہار منہ روزانہ ݙو توں تریھ گلاس پانڑیں پیو ۔ نظام انہضام درست تھئی ویسی۔ ٤٣۔ ݙنداں دی چمک برقرار رکھݨ کیتے سویرے و شام نیم دا مسواک استعمال کرو۔ ٤٤۔ برص دے داغ دور کرݨ کیتے خالص شہد دا ھک چمچ ، عرق پیاز ھک چمچ تے نمک ادھا چمچ ملا تے داغاں تے لاو ۔ ٤٥۔ حمل ءچ گرمی، قے تے سردرد کوں دور کرݨ کیتے آلو بخارا دا زیادہ استعمال کرو ، آلو بخارا دا شربت بنڑاوݨ کیتے پنجھ چھ آلو بخارے رات کوں پانڑیں دے گلاس ءچ پسا ݙیو تھوڑی جئی چینی تے نمک ملا تے آلو بخاری مسل ݙیو ، برف سٹھ تے استعمال کرو۔

 

٤٦۔ موٹاپا دور کرݨ کیتے اپنڑیں خوراک توں ہر قسم دی چکنائی ، کولڈرنک ، بوتلاں تے مٹھائیاں دا استعمال ختم کر ݙیو

٤٧ ۔ تازہ پھل تے سبزیاں زیادہ توں زیادہ استعمال کرو ٤٨، دل دیاں بیماریاں توں بچݨ کیتے سویرے شام سیر کرو تے مرغن غذاواں توں پرھیز کرو۔ ٤٩ چھیکاں دی بھر مار توں بچݨ کیتے ھک چمچ میتھ دانہ ھک کپ پانڑی ءچ ابال گھینو ، ٹھڈا کر تے ایکوں چھاݨ تے سمں توں پہلے ݙو تریھ ہفتے تک پیو

٥٠ ۔ ڈکار دور کرݨ کیتے کھاوݨ دے عبد ادرک دے باریک ٹکڑیاں تے نمک لا تے آہستہ آہستہ طبا تے کھاو عیندے علاوہ سالن ءچ ادرک تے لہسن دا استعمال زیادہ کرو۔ ٥١۔ خون دی کمی دور کرݨ کیتے انار دا جوس زیادہ پیو، چقندر دا استعمال بطور سلاد کرو تے سیب وی خوب کھاو ٥٢۔ ہتھ یا پیراں ءچ پسینہ زیادہ آندا ہووے تاں پانڑیں ءچ لیموں دا رس یا سرکا ملا تے تریھ ݙینھ ءچ تریھ واری تے سمں توں پہل دھوو، افاقہ تھیسی، ٥٣ پیٹ ءچ ہر ویلے گیس رھاندی ہووے تاں میتھ دے بیج کھاو ، گردے تے مثانے ءچ پترھ کڈھݨ کیتے روزانہ نہار منہ پنجھ عدد انجیر کھاو تے پتھر چٹ پودے دے پتے چباو

٥٤۔ آنکھیاں دے گرد حلقے دور کرݨ کیتے سویرے اپنڑیں دائیں ہتھ تے انگلی بائیں ہتھ دی ہتھیلی دے رگڑو تے گرم گرم انگلی آکھیاں دے گرد حلقے تے پھیرو

٥٥۔ جسم دی چربی پگلھاوݨ کیتے نہار منہ پانڑی ءچ شہد تے چند قطرے لیموں پا تے روزانہ گھینو

۔ ٥٦۔مسوڑیاں توں خون آندا ہووے تاں جامن دے ݙو تریھ پتے دھو تے چباو تے ایکوں مسوڑیاں تے ملو۔ ٥٨ ناخن مضبوط کرݨ کیتے روزانہ چند ہفتے تک ھلکے گرم زیتوں دے تیل ءچ تھوڑی دیر ہتھاں دے ناخون کوں ڈبو تے رکھو۔ ٥٩۔ بدہضمی تے بھاری پن توں بچݨ کیتے کھانا کھاوݨ دے بعد تھوڑا گُڑ سویٹ ڈش دے طور تے استعمال کرو۔ ٦٠۔ ݙانداں ءچ خون آوݨ توں روکݨ کیتے ھک لیمو دا رس تے ھک کپ نیم گرم پانڑیں تے آدھا چمچ نمک ملا تے سویرے شام غرارے کرو ۔ ٦١۔ پھنسیاں تے فالسے دے پتیے باریک پیھ تے لاوݨ نال پھنسیاں ختم تھئی ویندیاں ھن۔ ٦٢، الٹیاں روکݨ کیتے چھوٹی الائچی یا املی دا استعمال کرو۔ ٦٣۔ چھوٹے بال، نمکول دا پانڑیں نا پیوون تاں ݙو چمچ شہد ، آدھا چمچ لوݨ ، ھک چمچ چینی تے تریھ چار قطرے لیموں پا تے ݙو گلاس پانڑیں ءچ حل کر تے گھریلو نمکول بنڑاو تے اسہال تے الٹیاں دی صورت ءچ بالاں کوں ݙیو

٦٤۔ ہتھ ءچ جلن دی صورت ءچ متاثرہ جگہ گاجر دا پیس دا لیپ لاو ۔ ٦٥ بھاپ نال ہتھ سڑ ونجے تاں متاثرہ جاء تے آلو دے ٹکڑے کٹ تے لاو ۔ ٦٦۔ آملہ دا مربہ کھاوݨ نال ول ول نکسیر آوݨ بند تھئی ویندی ھِ ۔ ٦٧ پیٹ ءچ شید درد روکݨ کیتے وݙی الائچی ، دار چینی ، سونف ، پودینہ دا قہوہ بنڑاں تے پیو ۔ ٦٨ آواز بھیے ونجے تاں نیم گرم پانڑین ءچ تھوڑا نمک ملا تے غرارے کرو یا ملٹھی چباو ادرک دے رس ءچ شہد ملا تے چٹݨ نال وی گلہ ٹھیک تھئی ویندے۔ ٦٩ انجیر کھاوݨ نال منہ دی بدبو دور تھؤی ویندی ھِ ۔ ٧٠۔ ٹیکی دی جگہ سوجن دی صورت ءچ برف دی ٹکور کرو ۔ ٧١۔ آکھیاں کوں طراوت ݙیوݨ کیتے کچی گاجراں دا استعمال زیادہ کرو ۔ ٧٢۔ ساوے دھانڑیں دا عرق چھالیاں تے لاو ، چھالے دور تھئی ویندن۔ ٧٣۔ ݙانداں ءچ درد دور کرݨ کیتے لونگ پیس تے لیموں دے رس ءچ ملا تے درد والی جاء تے لاو ۔ ٧٤۔ خراب تے کٹے پھٹے ہونٹ ٹھیک کرݨ کیتے گلاب دا پھول آدھا پیھ تے ایندے ءچ تھوڑا مکھݨ لا تے ھک ہفتے تک ہونٹاں تے لیپ کرو۔ ٧٥۔ زخماں ءچ پیپ آوݨ توں روکݨ کیتے ݙو توں تریھ جاپانی پھل روزانہ کھاو۔ ٧٦۔ جسمانی کمزوریاں دور کرݨ تے وزن ءچ اضافہ کرݨ کیتے روزانہ کھیر دا ملک شیک گھینو ۔ رات کوں گیارہ بادام تے ھک چمچ کشمش آدھی پیالی پانڑیں ءچ پسا تے سویرے بادام تے کشمش دے دانڑیں کھا تے بچا ہوویا پانڑیں پی گھینو۔ ٧٧۔ لیکوریا تے لتاں ءچ مستقل درد ختم کرݨ کیتے روزانہ تریھ ہفتے تک سویرے دے ویلے ست بادام گھینو۔ ٧٨۔ آپریشن وغیرہ دے زخمی دے نشان دور کرں کیتے گھیکوار دے گودے ءچ تھوڑا زیتون دا تیل گرم تیل پا تے گرم کر تے روزانہ لاو ۔ ٧٩ ہتھاں ءچ خارش روکݨ کیتے گھیا (لوکی) کچل تے سویرے شام ایندا رس ہتھ تے چنگی طرح ملو۔ ٨٠ دل دی گھبراھٹ دور کرݨ تے ھائی بلڈ پریشر رکݨ کیتے ھک پیالی خالص شہد ، پھلاں دا سرکہ ھک پیالی تے دیسی لہشن (آٹھ دانڑیں) تریھ کوں گرائینڈر ءچ چنگی طرح پیس تے ملا تے فریج ءچ رکھ ݙیو ھک ہفتے بعد سویرے شام ھک چمچ گھینو۔

٨١ ۔ سر دی خشکی دور کرݨ کیتے چقندر دے پتے ابال تے روزانہ سر دھوو۔ ٨٢۔ موسم گرمہ ءچ پیشاب دی جلن تے رکاوٹ دور کرݨ کیتے گرما استعمال کرو ۔ ٨٣۔ جلݨ دی صورت ءچ متاثرہ جگہ تے فوری طور تے کاسٹر آئل لاو ۔ ٨٤۔ خارش دور کرݨ کیتے ناریل دے تیل ءچ کافور ملا تے خارش زدہ جاء تے لاو ۔ ٨٥۔ شہد دی مکھی یا بھڑکے دے کٹم دی صورت ءچ نمک سرکہ ءچ ملا تے متاثرہ جاء تے لا تے ݙنگ کڈھو ، درد تے سوجن کم تھئی ویسی ۔ ٨٦۔ آدھے سر دے درد کوں دور کرݨ کیتے لیموں دے چھلکے پیھ تے ایکوں زیتون دا تیل ملا تے سر تے لیپ کرو۔ ٨٧ ۔ نیند نہ آندی ہووے تاں سمں توں پہلے پیراں تے تلوواں تے خالص سرسوں دے تیل دی مالش کرو تے ݙو چمچے گھینو۔ ٨٨۔ سخت ہتھاں کوں نرم و ملائم کرم کیتے رات کوں سمں توں پہلے لیموں دا عرق تے گلیسرین ملا تے ہتھاں تے لاو۔ ٨٩۔ منہ دی بدبو دور کرݨ کیتے ݙینھ ءچ ݙو تریھ واری سونف چباو تے ایندا عرق نگل ونجو۔ ٩٠۔ آواز بیھ ونجے تاں ھک گلاس پانڑیں ءچ ݙو چمچ سونف پا تے ایکوں پکاو ، یچنی تے دار چینی وی سٹو ، ایں قہوہ کوں ݙینھ ءچ ݙو تریھ واری استعمال کرو۔ ٩١ جشم ءچ کہیں جاء کنڈا لگ ونجے تاں تھوڑا گڑ گھن تے ایندے ءچ وسل ملا تے متاثرہ جگہ تے پدھ ݙیو ، کانٹا خود باہر نکل آسی۔ ٩٢۔ پیراں دے چھالے دور کرݨ کیتے رات کوں سمں توں پہلے آبلے تے انڈے دی سفیدی لاو ۔ ٩٣۔ لو لگݨ دی صورت ءچ پیاز دا رس لیموں تے تھوڑا جیاء نمک سٹھ تے پیو۔ ٩٤۔ چھوٹے بالاں ءچ کھنگ ختم کرݨ کیتے تھوڑی جئی لال مرچ الائچی پیھ تے شہد دے آدھے چمچ ءچ ملا تےسویرے و شام ݙیو ۔ ٩٥۔ چہرے دیاں جھریاں دور کرݨ کیتے سو گرام عرق گلاب ، ١٥ گرام روغن بادام ، پندرہ گرام پھٹکری گھن تے چار انڈیاں دی سفیدی ءچ ملا تے ہلکی آنچ تے پکاو تے سمندے ویلے چہرے دی مالش کرو ۔ ٩٦ ۔ چہرے تے کیل مہاسے دور کرݨ کیتے انڈے دی سفیدی پھینٹ تے چہرے تے پندرہ وی منٹ کیتے لاو بعد ءچ سابݨ نا منہ دھو تے صاف کر گھینو ۔ ٩٧۔ زکام توں بچݨ کیتے قہوہ ءچ ادرک دے دار چینی ملا تے استعمال کرو۔ ٩٨۔ ݙانداں دے کیڑے ختم کرݨ کیتے ، چنبیلی دے پتے پانڑیں ءچ ابال گھینو ایندء ءچ تھوڑا لوݨ ملا تے غرارے کرو ۔ ٩٩۔ سویرے چاق چوبند تے تروتازہ رھاوݨ کیتے ھک پیالی گرم کھیر ءچ ھک چمچ شہد پا تے سمں توں پہلے روزانہ پیو ۔ ١٠٠۔ ول ول پیشاب آوں توں روکݨ کیتے سمں توں پہلے آخروٹ کھاو ، چھوٹے بالاں کوں سمݨ ویلے پیشاب نکل ویندا ہووے تاں انہاں کوں سمں توں پہلے تل دے لڈو یا باجرے دی کھچڑے کھووا۔ موسمی پھل تے سبزیاں موسمی بیماریاں دا علاج تھیندا ھِ انہاں دا استعمال زیادہ توں زیادہ کرو، رات کوں بھوک رکھ تے کھاوݨ وی بیماریاں توں بچݨ دا ذریعہ ھِ ، رات گئے شادہ وغیرہ ءچ کھاوݨ وی بیماری ودھݨ دا سبب بنڑدے ھن ایں کیتے بے ھنگم کھاوݨ توں پرھیز کیتا ونجے