لاہور۔(سرائیکی نیوز) پنجاب دے محکمہ تعلیم نے صوبے ءچ سخت سردی دی لہر کوں ݙیکھدے ہووے تمام سرکاری و نجی اسکولاں کوں موسم سرما دی چھٹیاں ١٢ جنوری تک ودھاوݨ دی ھدایت کر ݙیتی ایں حوالے نال ھک سرکاری اعلامیے ءچ آکھا گئیا کہ صوبے ءچ سرکاری و نجی تعلیمی ادارے پیر ١٣ جنوری توں دوبارہ کھلسن ۔ نال ھی صوبائی وزیر تعلیم مراد راس نے وی اپنڑیں ٹوئٹر اکاونٹ تے ایں گالھ دی تصدیق کیتی کہ تعلیمی ادارے ١٢ جنوری تک بند رھاسن۔خیارل رھاوے کہ اتوار کوں ملک دے مختلف علاقیاں ءچ مغربی سسٹم داخل تھیا ھا ، جیندی وجہہ نال بارشاں دا امکان پیدا تھئی گئیا ھا اتھاں محکمہ موسمیات نے پیش گوئی کیتی ھِ کہ آئندہ ٢٤ گھنٹیاں ءچ بلوچستان دے پہاڑی علاقیاں ، خیبرپختونخواہ دے کجھ علاقیاں تے جنوبی تے وسطی پنجاب دے مختلف حصیاں ءچ بارش تے برف باری تھیسی ۔ ایندے نال نال بالائی پنجاب و خیبرپختونخواہ کشمیر تے گلگست بلستان سمیت اپر سندھ دے کجھ علاقیاں ءچ وی ایہا پیشنگوئی کیتی گئی ھِ
