عثمان بزدار نے خیبرپختونخواہ پنجھ ھزار ٹن گندم ہر ݙینھ بھجواوݨ دی منظوری ݙے ݙیتی
لاہور ۔ وزیر اعلی پنجاب عثمان بزدار نے پنجاب حکومت دی طرفوں خیبرپختونخواہ کیتے خیر سگالی دے طور تے روزانہ دی بنیاد تے ٥ ہزار ٹن گندم بھجواوݨ دی منظوری ݙے ݙیتی ، وزیر اعلی عثمان بزدار نےا جلاس توں گالھ مہاڑ کریندے ہووے آکھیا کہ خٰبرپختونخواہ دے بھینڑیں تے بھیراواں دی مدد اساݙا فرض ھِ پنجاب حکومت اپنڑیں سٹاک توں خیبرپختونخواہ کوں روزانہ ٥ ہزار ٹن گندم فراہم کریسی تے اے اقدام خیبر پختونخواہ ءچ آٹے دی قلت کوں دور کرݨ ءچ مدد گار ثابت تھیسی
وزیر اعلی نے آٹے دی قیمتاں ءچ استحکام کیتے ضروری اقدامات جاری رکھݨ دا حکم ݙیندے ہووے آکھیا کہ چکی آٹے دی قیمت ءچ بلا جواز اضافہ کہیں صورت برداشت نہ کریساں، چکی آٹے دی قیمت ءچ استحکام کیتے ہر ممکن قدم چایا ویسی ، وزیر اعلی دے حم تے محکمہ خوران نے صوبے بھر ءچ فلور ملاں دی انسپکشن کیتی تے ھن تک مجموعی طور تے ١١١٩ انپسکشن کیتی گئی ھن تے ٥٤٢ فلور ملاں دیخلاف کارروائی کریندے ہووے گندم دا کوٹی معطل کیتا گئیا ھِ جبکہ ٨٨ فلور ملاں دے لائسنس معطل کیتے گئے ھن تے ١٤ کروڑ جرمانہ کیتا گئے۔
وزیر اعلی پنجاب عثمان بزدار نے ھدایت کیتی کے مختلف شہاراں ءچ دستیاب فروخت دیاں جگہواں تے سرکاری نرخاں تے آٹے دے تھیلے دی فراہمی جاری ھِ وزیر اعلی عثمان بزدار نے آکھیا کہ پنجاب ءچ وافر گندم دے اسٹاک موجود ھن تے آٹے دی وی کوئی قلت کینی ۔ وزیر اعلی نے فلور ملاں ءچ گندم دی پسائی دی مانیٹرنگ مزید سخت کرݨ دی ھدایت کیتی تے آکھیا کہ گندم دا کوٹی اوپن مارکیٹ ءچ فروخت کرݨ والی ملاں دیخلاف قانون ہر حرکت ءچ آندا پیا ھِ فرائض ءچ غفلت ݙیکھاوݨ والے تے بٖ ضابطگیاں ءچ ملوث محکمہ خوراک دے افسران دیخلاف بلا تفریق کاررائی کیتی ویسی آٹی دی قیمتاں ءچ بہتری کیتے محکمہ خوراک تے انتظامی افسران کوں متحرک کر ݙیتا گئیا ھِ
