ڈسکوز نے بجلی ڊی قیمت ودھاوݨ کیتے درخواست ڊائر کر ݙیتی

اسلام آباد (سرائیکی نیوز، ٢٨ جنوری) واپڈا دی پاور ڈسٹری بیوشن کمپنیز ڈسکوز نے بجلی دی قیمتاں ودھاوݨ کیتے درخواستاں دائر کرݨ شروع کر ݙیتیاں ، نیپرا ترمیمی ایکٹ (ریگولیشن آف جنریشن ، ٹرناسمیشن اینڈ ڈسٹری بیوشن آف الیکٹرک پاور ایکٹ) دے تحت بجلی دی کمپنیاں کوں بجلی دی فراہمی تے ترسیل کیتے علیحدہ درخواستاں دائر کرݨ دا آکھا گئیا ھِ ، نیپرا ایکٹ دی دفاع ٢٣ ای دے تحت پاور سپلائی دءِ لائسنس رکھݨ والے بجلی دی فروخت دا کم انجام ݙیسن تے سیکشن ٢٠ دے تحت ڈسٹربیوشن دا لائسنس دی ملکیت رکھݨ والے آپریشن ، مینیجمنٹ تے صارفین کوں ترسیل دے حوالے نال سہولیات تے وی کنٹرول رکھیسن۔ ڈسکوز دے کول ایں ویلے سیکشن ٢٣ ای دے تحت پاور لائسنس موجود ھِ ، فروخت دے علاوہ تنصیب ، سرمایہ کاری ، آپریشن دی بحالی تے تقسیم دے نیٹ ورک کوں کنٹرول کرݨ ، تمام سرگرمیاں ڈسٹری بیوشن لائسنس دا ھک حصہ بنڑدے ھن، ݙوجہے پاسے فروخت توں متعلق سرگرمیاں ( میٹرنگ، بلنگ تے جمع کرݨ وغیرہ) جو پہلے ڈسٹربیوشن لائسنس دے ذریعے کیتی ویندی ھِ ھن سپلائی لائسنس دا حصہ بنڑدی ھِ تاہم ڈسکوز کوں ڈسٹربیوشن تے سپلائی دی سرگرمیاں کوں علیحدہ علیحدہ کریندے ہووے درخواست دائر کرنی ہوسی۔ جیتھاں حکومت نے انٹرنیشنل مانیٹری فنڈ توں ٹیرف ایڈجسٹمنٹ ءچ تاخیر نا کرݨ دا وعدہ کر رکھیا ھِ اوتھاں زیادہ تر ڈسکوز ھݨ علیحدہ ٹیرف ایڈجسٹمنٹ دی درخواستاں دائر کریندا پئے جئیں تے ریگولیٹر آئندہ مہینے ھک ݙوجہے ہفتے تک سماعت کریسی۔ ٹیرف ءچ مختلف ڈسکوز دی طرفوں ١٠ توں ٢٧ فیصد تک دا اضافہ طلب کر رکھیا ھِ پشاور الیکٹرک سپلائی کمپنی نے ٢٤ فیصد اضافے دا مالبہ کیتا ھِ جبکہ دعوی کیتا ھِ کہ انہاں دے کل نقصانات ٣٧ فیصد ھن ملتان الیکٹرک پاور کمپنء نے ٥٤ فیصد اضافے دا مطالبہ کیتا ھِ جبکہ اسلام آباد الیکٹرک سپلائی کمپنی نے ٢٩ ارب روپے اضافہ ٹیرف صارفین توں طلب کرݨ دی درخواست کیتی ھِ حیدر آباد الیکٹرک سپلائی کمپنی نے انہاں دے ریٹ ءچ ٢٠ فیصد اضافے دی درخواست کیتی ھِ ، گجرانوالہ ، فیصل آباد تے لاہور سمیت متعدد کمپنیاں دی طرفوں ٹیرف درخواستاں وی ھݨ موصول تھئیاں باقی جنہاں تے سماعت دیگر موصول شدہ درخواستاں تے سماعت دے بعد ہوسی۔