فیروزوالا ، سلنڈر دھماکے نال فیکٹری ءچ بھا لگ گئی ، ٨ بندے جاں بحق
لاہور (سرائیکی نیوز، ٢٨ جنوری ) لاہور دے علاقے فیروز والا ءچ کالا خطائی روڈ تے نجی فیکٹری ءچ سلنڈر دا دھماکہ تھیا جیندے ءچ وݙے پیمانے تے بھا لگ گئی ، ٨ بندے سڑ تے جاں بحق تھئی گئے ، سوموار تے منگل دی رات سلنڈر دھماکے دے بعد سپرے تے پروفیوم دی فیکٹری ءچ بھا لگ گئی فائربریگیڈ دیاں ١٠ گڈیاں بھا ویسماوݨ ءچ مصروف رھی ، بھا نے پوری فیکٹری کوں ساڑ ݙیتا، دھماکے نال فیکٹری زمین ءچ ڈھیر تھئی گئی ۔ ریسکیو نے ڈسایا کہ جاں بحق تھیوݨ والے مزدوراں ءچ ھک عورت تے بال وی شامل ھِ فیکٹری دے نیڑے گھراں وکں خالی کروا گھیدا ھک مکان دی چھت وی ݙھہ گئی ۔ لاہور ءچ پیر مکی دربار دے نیڑے گھر ءچ بھا لگݨ نال بال جاں بحق تھئی گئیا
